భార్య కామెంట్లతో నరేంద్రమోడికి ఇబ్బందులు

Posted: 11/25/2014 08:57 AM IST

ప్రధాని నరేంద్రమోడి భార్య జశోదాబెన్ తాజా కామెంట్లు ఆయన్ను చాలా ఇబ్బంది పెట్టేలా కన్పిస్తున్నాయి. కలిసి ఉండాలని మోడి పిలిస్తే సంతోషంగా వెళ్తానని ఆమె చెప్పింది. మోడికి జీవితాంతం తోడు ఉండేందుకు సిద్ధన్నారు. మోడికి దూరంగా 43సంవత్సరాలు ఉన్నా.., ఇప్పటికీ భర్త అంటే మమకారం, అభిమానం తగ్గలేదన్నారు. అదేవిధంగా మోడి కోసం తాను ఇప్పటికీ ఉపవాసాలు ఉంటున్నట్లు చెప్పారు.

ఇక తన భద్రతపై కూడా జశోదాబెన్ సమాచార హక్కు చట్టం కింద పోలిసులకు దరఖాస్తు చేసింది. గుజరాత్ లోని మెహసానా జిల్లా ఎస్పీ కార్యాలయంకు జశోదాబెన్ దరఖాస్తు చేసుకుంది. తనకు ఏ హోదాలో రక్షణ కల్పిస్తున్నారో వెల్లడించాలని లిఖితపూర్వకంగా కోరింది. తాను ప్రజా రవాణ వ్యవస్థలోనే ప్రయాణిస్తుండగా.., భద్రతా సిబ్బంది మాత్రం అధికారిక వాహనాల్లో పర్యటిస్తున్నారు అని తెలిపింది. ఇంధిరాగాంధిని కూడా సెక్యురిటీ సిబ్బంది హతమార్చారు అనే విషయం గుర్తు చేసుకోవాలని సూచించింది.

43సంవత్సరాల క్రితం పెళ్ళి కాగా.., ఇన్నిరోజులు దూరంగా ఉండి ఇప్పుడు మోడిపై ప్రేమను కురుపిస్తూ వరుసగా కామెంట్లను చేయటంపై రాజకీయవర్గాల్లో చర్చ జరుగుతోంది. ఈ కామెంట్లకు స్పందించి భార్యను తన వద్దకు రావాలని మోడి ఆహ్వానిస్తే.., సంఘ్ దృష్టిలో వ్యతిరేక ముద్ర పడుతుంది. ఇక భార్యను పిలవకుండా సైలెంట్ గా ఉంటే.., సమాధానం చెప్పాలని ప్రతిపక్షాలు ఇబ్బంది పెట్టే అవకాశం ఉంది. ఈ క్రమంలో ఇరకాటంలో పడిన మోడి ఎలా స్పందస్తారనేది తెలియాల్సి ఉంది.

కార్తిక్