జీవితకు బెయిల్ మంజూరు

Posted: 11/24/2014 05:09 PM IST

Jeevitha rajashekar got bail in cheque bounce case

సినీ నటి, నిర్మాత, దర్శకురాలు జీవిత రాజశేఖర్ కు ఎర్రమంజిల్ కోర్టు బెయిల్ ఇచ్చింది. కోర్టుకు రూ. 25లక్షలు జరిమానా చెల్లించటంతో బెయిల్ మంజూరు చేస్తూ ఆదేశాలు జారీ చేసింది. చెక్ బౌన్స్ కేసులో ఆమెపై వచ్చిన ఆరోపణలు నిర్ధారణ కావటంతో రెండు సంవత్సరాల జైలు శిక్షతో పాటు రూ. 25లక్షల జరిమానా విధించింది. అయితే జరిమానా విధించటంతో జీవిత శిక్ష నుంచి బయట పడింది. తనకు జైలు శిక్ష విధించినట్లు వచ్చిన కథనాలను ఆమె తోసిపుచ్చారు. కేవలం కోర్టుపై నమ్మకంతో డబ్బులు చెల్లించినట్లు పేర్కొన్నారు.

వివాదంకు కారణం అయిన ‘ఎవడైతే నాకేంటి’ సినిమాకు తాను డైరెక్టర్ గా వ్యవహరించానని.., కాబట్టి నిర్మాత అయిన శేఖర్ రెడ్డికి తాను ఎలా డబ్బు చెల్లిస్తాను అని ప్రశ్నించింది. అంతకుముందు వచ్చిన కథనాల ప్రకారం.., ‘ఎవడైతే నాకేంటి’ సినిమా 2007లో విడుదల అయింది. పిటిషనర్ శేఖర్ రెడ్డి వివరాల ప్రకారం.., లావాదేవీల్లో భాగంగా నిర్మాత శేఖర్ రెడ్డికి జీవిత చెక్కు ఇచ్చింది. అయితే అకౌంట్ లో డబ్బులు లేని కారణంగా ఈ చెక్కు బౌన్స్ అయింది. దీనిపై శేఖర్ రెడ్డి పలుమార్లు జీవితను సంప్రదించినా కూడా స్పందించలేదు. ఈ నేపథ్యంలోనే లాయర్ సాయంతో శేఖర్ రెడ్డి కోర్టులో పిటిషన్ వేయగా.., నేరాభియోగం నిర్ధారణ కావటంతో ‘జీవిత’ రాజశేఖర్ కు రెండు సంవత్సరాల జైలు శిక్ష తో పాటు ఇరవై ఐదు లక్షల రూపాయల జరిమానా విధిస్తూ కోర్టు తీర్పు ఇచ్చిన విషయం తెలిసిందే.

కార్తిక్