ఏపీ ఉద్యోగుల్ని సింగపూర్ తీసుకెళ్తున్న ప్రభుత్వం

Posted: 11/24/2014 12:26 PM IST

Narayana on ap capital first phase building

సింగపూర్ జపం చేస్తున్న ఆంధ్రప్రదేశ్ ప్రభుత్వం త్వరలోనే రాష్ర్ట ప్రభుత్వ ఉద్యోగులను సింగపూర్ కు తీసుకెళ్ళనుంది. రాజధాని నిర్మాణంలో పాలు పంచుకునే ఉద్యోగులను సింగపూర్ తీసుకెళ్ళి శిక్షణ ఇప్పించాలని ఆలోచిస్తున్నట్లు మంత్రి నారాయణ తెలిపారు. భవిష్యత్తు అవసరాలకు తగ్గట్టు రాజధాని నిర్మించేలా అక్కడ శిక్షణ ఇప్పిస్తామన్నారు. అయితే ఎంతమంది వెళ్తారు.., ఎన్ని రోజుల పాటు శిక్షణ ఇప్పిస్తారు అనేది తెలియదు. కాని ఇది జరగాలంటే భారీ ఖర్చుతో కూడుకున్న వ్యవహారం.

ఇక రాజధాని నిర్మాణం, భూ సేకరణపై కూడా మంత్రి స్పందించారు. వచ్చే ఏడాది మార్చి 31లోపు పూర్తి చేస్తామన్నారు. అయితే ఇందుకోసం ఎవరి దగ్గరినుంచి బలవంతంగా భూములు తీసుకోమని చెప్పారు. భూ సేకరణ తర్వాత వచ్చే ఏడాది లో భూమి అభివృద్ది మొదలు పెట్టి 2018 వరకు తొలి దశ నిర్మాణం పూర్తి చేయాలని లక్ష్యంగా పెట్టుకున్నట్లు తెలిపారు. వచ్చే ఎన్నికలకు ముందుగా రాజధాని సిద్దం చేసే దిశగా చర్యలు తీసుకుంటున్నట్లు నారాయణ తెలిపారు.

కార్తిక్