స్పీకర్ పై అవిశ్వాస తీర్మాణం పెట్టే యోచనలో టీ.టీడీపీ

Posted: 11/22/2014 08:22 PM IST

Telangana tdp leaders plan to move no confidence motion on speaker

తెలంగాణ అసెంబ్లీ స్పీకర్ మధుసూదనాచారిపై అవిశ్వాసం పెట్టే ఆలోచనలో తెలుగుదేశం పార్టీ ఉంది. తొలుత సభలో సభ్యుల హక్కులను కాపాడాలని స్పీకర్కు ఓ లేఖ రాయాల్సిందిగా నిర్ణయించారు. అనంతరం ఈ సమావేశాల్లోనే అయనపై అవిశ్వాస తీర్మాణం ప్రవేశ పెట్టాలని నిర్ణయించుకున్నారు.

బీఏసీ సమావేశానికి ఎవరు హాజరు కావాలనే అంశంపై ప్రభుత్వం చెప్పినట్లు స్పీకర్ నడుచుకుంటున్నారని ఆ లేఖలో పేర్కొంటున్నట్లు టీ టీడీపీ ఎమ్మెల్యేలు చెప్పారు. అయితే టీడీపి సభ్యుల సంఖ్య 14 వున్నప్పుడు ఇద్దరిని అహ్వానించేందుకు అంగీకరించిన స్పీకర్ క్రమంగా ఆ సంఖ్య తగ్గడంతో కేవలం ఒక్కరినే మాత్రమే అహ్వానిస్తామని చెప్పారు. తీగల, తలసాని సహా పలువురు తెలంగాణ టీడీపీ నేతలు టీఆర్ఎస్ లో చేరిన విషయం తెలిసిందే. అయితే సభ్యుల హక్కుల గురించి స్పీకర్ వైపు నుంచి సానుకూల సమాధానం రాకపోతే అవిశ్వాస తీర్మానం పెట్టే ఆలోచనలో టీటీడీపీ ఎమ్మెల్యేలు ఉన్నట్లు తెలుస్తోంది. సభలో కూడా తమ పార్టీ సభ్యలకు నిర్ధేశించిన దాని ప్రకారం సమయాన్ని కేటాయించాలని డిమాండ్ చేయనున్నారు.

జి. మనోహర్