రూ.2 మేర తగ్గిన ఇంధన ధరలు.. అర్థరాత్రి నుంచే అమలు..

Posted: 11/01/2014 08:14 AM IST

Diesel petrol prices cut by rs 2 00 litre ahead of jk jarkhand assembly elections

యూపీఏ రెండో పర్యాయం అధికారంలో వచ్చినప్పటి నుంచి పెరగడమే తప్ప తరగడం తెలియక పైపైకి ఎగబాకిన చమురు ధరలు గత మూడు నెలలుగా నెమ్మదిగా కిందకు దిగివస్తున్నాయి. అంతర్జాతీయంగా ముడిచమురు ధరలు పడిపోవడంతో దేశంలో పెట్రోలు, డీజిల్ ధరలు లీటరుకు రూ.2కు పైగా తగ్గాయి. స్థానిక పన్నులను మినహాయించి పెట్రోలు ధర రూ.2.41, డీజిల్ ధర రూ.2.25 మేర దిగివచ్చాయి. మారిన ధరలు గత అర్ధరాత్రి నుంచి అమల్లోకి వచ్చాయి. ఆగస్టు నుంచి ఇప్పటివరకు పెట్రోలు ధర తగ్గడం ఇది ఆరోసారి. అప్పటి నుంచి ఇప్పటివరకు లీటరుపై మొత్తం రూ.9.36 పైసల మేర ధర దిగివచ్చింది. హైదరాబాద్ లో లీటరు పెట్రోల్ ధర సుమారుగా 78 రూపాయల వరకు ఎగబాకిన ధర..నిన్నటి తగ్గింపుతో సుమారుగా 70 రూపాలకు చేరుకోనుంది.

అలాగే.. అక్టోబరు 18న డీజిల్‌ ధరలపై నియంత్రణ ఎత్తివేసి మార్కెట్‌ రేటుకు విక్రయించాలని కేబినెట్‌ నిర్ణయం తీసుకున్న తర్వాత డీజిల్‌ ధరలు తగ్గడం ఇదే రెండవ సారి. నియంత్రణ తొలగించిన వెంటనే స్థానిక పన్నులను మినహాయించి రూ.3.37 మేర తగ్గిన డీజిల్ ధర మరోమారు నిన్న రాత్రి రెండు రూపాయల 25 పైసలు తగ్గింది. తాజా ధరల ప్రకారం- ఢిల్లీలో లీటరు పెట్రోలు రూ.64.25కు లభిస్తోంది. అక్కడ ఇంతకుముందు దీని ధర రూ.66.65గా ఉండేది అవుతుంది. కాగా... జార్ఖండ్‌, జమ్ముకశ్మీర్‌ అసెంబ్లీ ఎన్నికల నేపథ్యంలో ఈ నిర్ణయం ఊహించిందేనని మార్కెట్‌ నిపుణులు వ్యాఖ్యానిస్తున్నారు. ఎన్నికలలో లబ్ది పోందేందుక ఎన్డీఏ సర్కార్ చేస్తున్న జిమ్మిక్కుగా పలు పార్టీలు విమర్శలు గుప్పిస్తున్నాయి.

జి.మనోహర్