టీడీపీ ఎమ్మెల్యే తనయుడు సిద్దార్థ అరెస్టు

Posted: 10/30/2014 07:21 PM IST

విజయవాడ సెంట్రల్ టీడీపీ ఎమ్మెల్యే బోండా ఉమామహేశ్వరరావు కుమారుడు సిద్ధార్థను ఇవాళ పోలీసులు అదుపులోకి తీసుకున్నారు. గుంటూరు జిల్లా యడ్లపాడు మండలం తిమ్మాపురం పరిధిలో జాతీయ రహదారిపై జరిగిన కారు రేసు కేసులో సిద్ధార్థతో పాటు మరో ఏడుగురిపై యడ్లపాడు పోలీసులు కేసు నమోదు చేశారు. కారు రేసింగ్ లకు పాల్పడి విద్యార్థి విజయ్ నాగేంద్ర ప్రాణాలను హరించిన వారిపై పోలీసులు కేసు నమోదు చేశారు.

అయితే కేసు నమోదైన సమాచారం అందినప్పటి నుంచి అజ్ఞాతంలోకి వెళ్లిన సిద్ధార్ధ్ ను పోలీసులు తాజాగా అరెస్ట్ చేసి  చిలకలూరిపేట కోర్టులో ప్రవేశపెట్టారు. కార్ల రేసింగ్ వల్లే ప్రమాదం జరిగినట్లు పోలీసులు ఎఫ్ఐఆర్ నమోదు చేసినా.. ఆ విషయాన్ని దాచి పెట్టే యత్నం చేస్తున్నారు. కేసును ఏమార్చే పనిలో పోలీసులు నిమగ్నమయ్యారని సమాచారం. ఇప్పటికే అధికార పార్టీ నుంచి ఒత్తిళ్లను ఎదుర్కొంటున్న పోలీసులు, తాజాగా పోలీసు ఉన్నతాధికారుల నుంచి కూడా ఒత్తిళ్లు పెరుగుతున్నట్లు సమాచారం

జి.మనోహర్