ఉత్తర కోరియా నేత కిమ్ తాజా ఫోటోలు విడుదల..

Posted: 10/30/2014 07:10 PM IST

ఉత్తర కొరియా నాయకుడు కిమ్ జోంగ్ వున్ ఆరోగ్యంపై వెల్లువెత్తిన అనుమానాల నేపథ్యంలో ఆయన తాజా ఫోటోలను ఉత్తర కొరియా రాష్ట్ర మీడియా విడుదల చేసింది. గత కొంత కాలంగా ఉత్తర కోరియా నాయకుడు కిమ్ జోంగ్ వున్ అనారోగ్యంతో బాధ పడుతున్నారు. అయితే ఆయన ఆరోగ్యంపై ఆందోళనలు అలుముకున్న నేపథ్యంలో రాష్ట్ర మీడియా తాజా ఫోటోలను విడుదల చేసింది. కిమ్ జోంగ్ వున్ అనారోగ్యంతో బాధపడుతున్నారని నివేదికలు స్పష్టం చేశాయి. అయినా ఆయన అరోగ్యం సరిగానే వుందని.. ఆయన వెనుక ఏదో  కుట్ర జరుగుతుందన్న అనుమానాలు వెల్లువెత్తిన నేపథ్యంలో ఆ రాష్ట్ర మీడియా తాజా చిత్రాలను విడుదల చేసింది.

కిమ్ జోంగ్ వున్ చీల మండ శస్త్ర చికిత్సకు గురయ్యారని, అందుకనే ప్రజల మధ్యకు రావడం లేదని ఆ రాష్ట్ర మీడియా తెలిపింది. అందుచేతే సెప్టెంబర్ లో ప్రజలకు కనిపించిన ఆయన ఆ తరువాత శస్త్రచికిత్స నేపథ్యంలో ఆయన పూర్తిగా విశ్రాంతి తీసుకుంటున్నారని. చీల మండ శస్త్ర చికిత్స నుంచి కోలుకున్న తరువాత ఆయన ప్రజల్లోకి వస్తారని నివేదికలు స్పష్టం చేసినా.. ప్రజలు దానిని విశ్వసించలేదు. పశ్చిమంలో కిమ్ జోంగ్ వున్ అరోగ్యంపై పలు రకాల ఊహాగానాలు రేకెత్తాయి. పలువురు ఆయన ఆనారోగ్యంతో బాధపడుతున్నారని ప్రచారం చేస్తుండగా, పలువురు ఆయన అనారోగ్యం భారిన పడరని, ఇంకోందరు ఆయన ఆరోగ్యం క్షీణించిందని ఊహాగానాలకు తెరతీశారు. ఈ నేపథ్యంలో కిమ్ జోంగ్ వున్ ఆరోగ్యంగానే వున్నారని అయితే.. చీలమండ శస్త్రచికిత్స వల్ల బయటకు రాలేకపోతున్నారని ఆ రాష్ట్ర మీడియా ఫోటోలను విడుదల చేసింది. అయితే.. ప్యోంగ్యాంగ్ మాత్రం కిమ్ అనార్యోగ వార్తలను ఇప్పటికీ తిరస్కరిస్తోంది.

జి.మనోహర్