నెత్తురోడిన అస్సోం రహదారి..9 మంది మృతి

Posted: 10/26/2014 10:35 AM IST

9 killed 17 injured in bus accident at nagaon in assam

అస్సోంలో ఘోర రోడ్డు ప్రమాదం సంభవించింది. రహదారి నెత్తురోడింది. అధిక వేగం ప్రమాదానికి కారణమని తెలిసిన డ్రైవర్ నిర్లక్ష్యంగా వ్యవహరించడంతో తొమ్మిది మంది ప్రాణాలు అనంతవాయువులో కలసిపోయాయి. అస్సోంలో అతివేగం వెళ్తున్న బస్సు అదుపు తప్పి కల్వర్టును ఢీ కొట్టడంతో ప్రమాదం సంభవించింది. ఈ ప్రమాదంలో 9 మంది ప్రయాణికులు మరణించారు. మరో 17 మంది తీవ్రంగా గాయపడ్డారు. ఈ ఘటన ఇవాళ అసోంలోని నగాన్ లో చోటు చేసుకుంది. క్షతగాత్రులను సమీపంలోని ఆసుపత్రికి తరలించి చికిత్స అందిస్తున్నట్లు ఉన్నతాధికారులు వెల్లడించారు. క్షతగాత్రులలో కొందరి పరిస్థితి విషమంగా ఉందని వైద్యులు వెల్లడించారు. అసోం రాష్ట్ర రోడ్డు రవాణా సంస్థకు చెందిన బస్సు లక్ష్మీపూర్ జిల్లా నుంచి గౌహతి వెళ్తుండగా ఈ ప్రమాదం చోటు చేసుకుందని అస్సోం పోలీసులు పేర్కొన్నారు. మృతుల్లో ఐదుగురు పురుషులు, నలుగురు మహిళలు వున్నట్లు పోలీసులు తెలిపారు.

జి.మనోహర్