వైకాపా పార్టీకి సవాలు విసిరిన కొత్తపల్లి గీత!

Posted: 10/25/2014 07:21 PM IST

Kottapalli geetha challenges ysr congress party

వైఎస్సార్ కాంగ్రెస్ పార్టీ తరఫు నుంచి మొన్న జరిగిన సార్వత్రిక ఎన్నికల నేపథ్యంలో అరకు ఎంపీగా గెలుపొందిన కొత్తపల్లి గీత... ఇప్పుడు ఆ పార్టీకే సరికొత్త సవాలు విసిరింది. అప్పుడెప్పుడు సీఎం చంద్రబాబు నాయుడును గీత కలిసిందనే నెపంతో ఆమె మీద ఫేస్ బుక్ లో అభ్యంతకరమైన వ్యాఖ్యలు చేసిన సంగతి తెలిసిందే! ఆ విషయమై తాను వైకాపా పార్టీ కార్యాలయానికి చెప్పడంతో వారు దానిమీద ఎటువంటి యాక్షన్ తీసుకోలేదని ఆమె అప్పట్లో వాపోయింది. అలాగే మహిళలకు పార్టీలో సరైన గౌరవం కూడా లభించిందని అప్పట్లో తెలిపిన సంగతి తెలిసిందే! అయినా కూడా తాను వైకాపా పార్టీలోనే వుంటానని.. టీడీపీలో ఎప్పటికీ చేరనని.. వైకాపా పార్టీ అభివృద్ధికే పాటుపడతానని తెలిపింది. అయినాగానీ తనకు వైకాపాలో సరైన లో గౌరవం లభించని తరుణంలో తాజాగా ఆ పార్టీకే సవాల్ విసిరింది.

ఇకనుంచి తాను ఎప్పటికీ బీజేపీ, టీడీపీ పార్టీలతోనే కలిసి పనిచేస్తానని గీత స్పష్టం చేసింది. వైఎస్సార్ కాంగ్రెస్ పార్టీ నిర్వహించే కార్యక్రమాలకు దూరంగా వుంటానని ఇదివరకే ప్రకటించిన ఆమె... టీడీపీ పార్టీ పెట్టే అన్ని సమావేశాలకు ఇకమీదట హాజరవుతానని తెగేసి చెప్పారు. తాను ఎంపీ పదవికి రాజీనామా చేసే ప్రసక్తే లేదని.. ఈ విషయంలో లోక్ సభ స్పీకర్ స్పీకర్ తీసుకునే నిర్ణయం కోసమే తాను ఎదురుచూస్తున్నానన్నారు. ఆంధ్రప్రదేశ్ రాష్ట్రంలో తెలుగుదేశం ఎంపీలతో సీఎం బాబు ఒక సమవేశాన్ని నిర్వహించారు. కేంద్రంలో అనుసరించాల్సిన వైఖరి, అక్కడినుంచి నిధులు తీసుకురావాల్సిన తీరు గురించి నిర్వహించే ఈ సమావేశాల్లో భాగంగానే వైకాపా ఎంపీలు ఎస్పీవైరెడ్డి, కొత్తపల్లి గీత హాజరయ్యారు. ఈ సమావేశం అనంతరం బయటకు వచ్చిన ఆమె.. ఇలా తాను తెదేపా పార్టీ సమావేశాలకు రెగ్యులర్ గా హాజరవుతానని కుండబద్ధలు కొట్టేశారు.