భారత్, శ్రీలంక వన్డే సీరిస్ షెడ్యూలు, వేదికలు ఇవే..

Posted: 10/25/2014 03:16 PM IST

Bcci releases team india srilanka oneday series schedule

భారత్-శ్రీలంక జట్ల మధ్య జరిగే వన్డే సిరీస్ షెడ్యూలు భారత్ క్రికెట్ కంట్రోల్ బోర్డు ఇవాళ విడుదల చేసింది. నవంబర్ రెండు నుంచి 16 వరకు భారత్ లో పర్యటించనున్నా శ్రీలంక జట్టు.. ఐదు వన్డేలతో కూడిన సీరీస్ లను అడనుంది. నవంబర్ 2వ తేదీ నుంచి ఈ సిరీస్ ప్రారంభం కానుంది. భారత్ లో పర్యటించేందుకు వచ్చిన వెస్టీండీస్ జట్టు, తమ జీతబెత్యాల విషయంలో ఆ దేశ క్రికెట్ బోర్డుతో జరిపిన చర్చలు విఫలం కావడంతో సీరీస్ మద్యలోనే వెనుదిరిగింది. దీంతో అప్పటికప్పుడు శ్రీలంకతో సీరీస్ ను ఏఱ్పాటు చేసుకుని జరిగిన భారీ నష్టంలో కొంత భాగాన్ని పూడ్చుకునుందుకు బీసీసీఐ యత్నిస్తోంది.

కాగా శ్రీలంకతో జరిగే వన్డే సిరీస్కు మహేంద్ర సింగ్ ధోనీకి విశ్రాంతి ఇచ్చిన బీసీసీఐ.. కోహ్లీని కెప్టెన్గా నియమించిన విషయం తెలిసిందే. దీంతో పాటు వన్డేల వేదికలను కూడా ఖరారు చేసింది. నవంబర్ 2న మొదటి వన్డే- కటక్లో జరగనుండగా, నవంబర్ 5న రెండో వన్డే - అహ్మదాబాద్, నవంబర్ 9న మూడో వన్డే - హైదరాబాద్, నవంబర్ 13న నాల్గో వన్డే - కోల్కతా, నవంబర్ 16న ఐదో వన్డే - రాంచీలో జరగనుందని బీసీసీఐ తెలిపింది.

జి.మనోహర్