ఉగ్రవాద హెచ్చరికలతో తిరుపతిలో హైఅలర్ట్

Posted: 10/25/2014 07:55 AM IST

 ఉగ్రవాదులు తిరుపతిలో మకాం వేసుండొచ్చని ఎన్‌ఐబీ(నేషనల్ ఇంటెలిజె న్స్ బ్యూరో) వర్గాలు అనుమానం వ్యక్తం చేయడం తో పోలీసులు హైఅలెర్ట్ ప్రకటించారు. తిరుపతి నగరంలో విస్తృతంగా పోలీసులు గాలింపులు జరిపారు. లాడ్జి ల్లో, అనుమానాస్పద ప్రైవేటు భవనాల్లో సోదాలు చేశారు.  కరీంనగర్ జిల్లా చొప్పదోండిలోని ఓ జాతీయ బ్యాంకును ఫిబ్రవరిలో ఉగ్రవాదులు లూటీ చేశారు. లూటీ చేసిన సొమ్ముతో తిరుపతి నగరంలో భవనాలు, భూములు కోనుగోలు చేసినట్లు ఎన్.బీ.ఐ గుర్తించింది. దీంతో ఆంధ్రప్రదేశ్ డీజీపీ జేవీ రాముడును అప్రమత్తం చేయడంతో ఆయన తిరుపతి పోలీసులకు సమాచారం అందించారు. తిరుపతిలో భవనాలను కొనుగోలు చేసి ఉగ్రవాదులు మకాం వేసినట్టు ఎస్‌ఐబీ సమాచారమిచ్చింది.

డీజీపీ రాముడు ఆదేశాల మేరకు తిరుపతి అర్బన్, చిత్తూరు ఎస్పీలు గోపీనాథ్‌జెట్టీ, జీ.శ్రీనివాసులు హై అలెర్ట్ ప్రకటించారు. చెన్నై, బెంగళూరు జాతీయ రహదారి తిరుపతిలోని ప్రధాన లాడ్జీలు, అనుమానాస్పద ప్రైవేటు భవనాల్లో పోలీసులు సోదాలు చేశారు. చిత్తూరు ఎస్పీ జీ.శ్రీనివాసులు నేతృత్వంలో మదనపల్లె, చిత్తూరులో పోలీసులు విస్తృతంగా గాలింపులు చేపట్టారు. జిల్లా వ్యాప్తంగా పోలీసులు నాకాబందీ నిర్వహించి వాహనాలను సోదాలు చేశారు. గత అక్టోబర్‌లో పుత్తూరులో ఓ ప్రైవేటు భవనంలో మకాం వేసిన తీవ్రవాదులను అక్టోపస్ బృందం పట్టుకున్న నేపథ్యంలో ప్రతీకార దాడులకు దిగే అవకాశం ఉందని ఎస్‌ఐబీ హెచ్చ రించినట్టు సమాచారం. ఈ నేపథ్యంలోనే హై అలెర్‌‌ట ప్రకటించడం గమనార్హం.

జి.మనోహర్