చొప్పదండి బ్యాంకు చోరీ ఉగ్రవాదుల పనే

Posted: 10/23/2014 03:42 PM IST

Nia announced choppadandi bank robbery is done by terrorists

తెలంగాణలోని కరీంనగర్ జిల్లా చొప్పదండిలో జరిగిన బ్యాంకు చోరికి పశ్చిమబెంగాల్ లోని బుర్ద్వాన్ పేలుళ్లతో సంబంధం ఉన్నట్లు జాతీయ ధర్యాప్తు సంస్థ (ఎన్.ఐ.ఏ) గుర్తించింది. చొప్పదండి బ్యాంకులో ఈ ఏడాది పిబ్రవరి 1న చోరికి పాల్పడింది ఉగ్రవాదులే అని ఎన్.ఐ.ఏ. ధృవీకరించింది. ఈ పని చేసింది అబూ ఫైజల్ ముఠాగా స్పష్టం చేసింది. చోరీ చేసిన రూ.46లక్షలను బుర్ద్వాన్ పేలుళ్ళ కోసం వినియోగించినట్లు గుర్తించింది. మారణాయుధాలతో బ్యాంకును బద్దలుకొట్టి డబ్బులు దోచుకెళ్ళటం అప్పట్లో తీవ్ర సంచలనం కల్గించింది.

ఈ ఏడాది ఫిబ్రవరి 2న మధ్యాహ్నం బుర్ద్వాన్ లోని ఓ తృణముల్ కాంగ్రెస్ నేత ఇంట్లో అద్దెకు ఇచ్చిన గది నుంచి భారీ శబ్దం రావటంతో పాటు, దట్టమైన పొగ వచ్చింది. స్థానికులు పోలిసులు, ఫైర్ సిబ్బందికి సమాచారం అందించగా వారు ఘటనా స్థలానికి చేరుకున్నారు. అయితే ఇంటిలోపలికి వెళ్లనివ్వకుండా అద్దెకున్న వ్యక్తులు అడ్డుకున్నారు. ఆ తర్వాత వీరు ఉగ్రవాదులుగా తెలిసింది. బాంబులు తయారు చేస్తుండగా పేలుడు జరిగినట్లు గుర్తించారు. ఈ కేసును ధర్యాప్తు చేపట్టిన ఎన్.ఐ.ఏ. అనేక చోట్ల ఆధారాలు సేకరించింది. చివరకు చొప్పదండి డబ్బులతో బాంబుల తయారీ జరిగినట్లు గుర్తించిదంి.

కార్తిక్