సరిహద్దులో మోడికి పాక్ ఆర్మీ కాల్పుల స్వాగతం

Posted: 10/23/2014 11:07 AM IST

పాక్ బలగాలు భారత్ పై దుర్బుద్ధిని మరోసారి చాటుకున్నాయి. సరిహద్దులో కయ్యానికి కాలు దువ్వుతూ మళ్ళీ కాల్పులకు తెగబడ్డాయి. గురువారం ఉదయం రామ్ గఢ్ సెక్టర్ లోని భారత స్థావరాలపై పాక్ బలగాలు కాల్పులు జరిపాయి. అయితే ఈ కాల్పుల్లో ఎవరూ గాయపడినట్లు సమాచారం లేదు. ప్రధాని నరేంద్రమోడి సియాచిన్ లోని జవాన్లలతో కలిసి దీపావళి వేడుకలు జరుపుకునేందుకు వస్తున్న నేపథ్యంలో ఆయనకు పాక్ బలగాలు ఇలా స్వాగతం పలికాయి.

ప్రధాని నరేంద్రమోడి దీపావళి వేడుకలను శ్రీనగర్ లోని వరద బాధితులతో పాటు సియాచిన్ లోని జవాన్లతో కలిసి జరుపుకునేందుకు గురువారం ఉదయం ఢిల్లీ నుంచి ప్రత్యేక విమానంలో బయల్దేరి వెళ్ళారు. మోడి పర్యటన రోజునే దాయాది బలగాలు కాల్పులకు తెగబడటం అంటే వారు భారత్ తో యుద్ధం చేసేందుకు ఎంతగా ఎదురుచూస్తున్నారో అర్ధం అవుతుంది.

 

కార్తిక్