మోడీపై మళ్ళీ నోరు పారేసుకున్న ముషార్రఫ్

Posted: 10/23/2014 07:47 AM IST

Musharraf again commented on narendra modi

భారత ప్రధాని నరేంద్రమోడిపై పాక్ మాజి అధ్యక్షుడు పర్వేజ్ ముషార్రఫ్ మరోసారి నోరు పారేసుకున్నారు. భారత ప్రధాని పాకిస్థాన్ వ్యతిరేకి అని ఆరోపించారు. మోడి ముస్లిం వ్యతిరేకి కావటంతో పాటు పాకిస్థాన్ అంటే కూడా పడదు అని ఓ టీవీ ఛానెల్ కు ఇచ్చిన ఇంటర్వ్యూలో కామెంట్ చేశారు. అంతేకాకుండా మోడీ పాలనా సమయంలో పాక్ పై భారత్ ఎప్పుడైనా దాడి చేసే అవకాశం ఉందని హెచ్చరించారు. భారత్ నుంచి ఎలాంటి ముప్పు ఎదురైనా ఎదుర్కునే సత్తా పాకిస్థాన్ కు ఉందన్నారు.

మోడి తన వైఖరి మార్చుకోవాలని అని సూచించారు. అటు భారత భూభాగంలో జరుగుతున్న ఉగ్రదాడుల్లో పాకిస్థానీల ప్రమేయం లేదన్నారు. అయితే పాక్ లో జరిగే దాడులు, హింస వెనక మాత్రం భారత్ పాత్రపై ఆధారాలు కలవన్నారు. అదేవిధంగా భారత నిఘా సంస్థ అయిన ‘రా (Research and Analysis Wing)’ పాక్ లో విద్వంస రచనకు కుట్రలు చేస్తోందని ఆరోపించారు. భారత్ లో 11/26 దాడులు చేసింది ఎవరు. వాటికి సూత్రదారి ఎవరో అందరికి తెలుసు. ఈ విషయం కోర్టులో కూడా నిరూపణ అయింది. మరి దీనిపై ముషార్రఫ్ ఏం చెప్తారో.

కార్తిక్