ఐక్యరాజ్య సమితి తరువాత మరో శిఖరాగ్ర సదస్సుకు మోడీ..

Posted: 10/22/2014 10:15 AM IST

భారత ప్రధాని నరేంద్ర మోదీ ఒక సంచలనంగా మారారు. దేశంలోనే సంచలనకర శక్తిగా మారిన ఆయనకు.. విదేశాలల్లో మరింత అధిక క్రేజ్ వచ్చింది. నా దేశం బాగుండాలి, నా దేశ ప్రజలు బాగుండాలి అనే భావన కలిగిన ప్రతీ నేత కోసం ప్రజలు ఎదురుచూస్తుండడం మనం తరాలుగా చూస్తేనే వున్నాం. అమెరికా పర్యటనతో అక్కడి భారత పౌరులు ఆయనను ఎంతగా ఇష్టపడతారో.. ఆయన మాటలకు ఎంతగా మంత్ర ముగ్దులవుతారో స్పష్టమైంది. ఐక్యరాజ్య సమితి సాధారణ సమావేశానికి హాజరైన మోడీ ఎంత బిజిబిజీగా గడిపారో చూశాం. ఉపవాస దీక్ష చేస్తూనే ఆయన తన పర్యటనను కొనసాగించారు. సాక్షాత్తు అగ్రరాజ్య అధ్యక్షుడు ఒరాక్ ఒబామా అధ్యక్ష భవనం శ్వేతసౌధంలో ఇచ్చిన విందుకు హాజరై కూడా కేవలం మంచినీళ్లనే ఆస్వాదించారంటే ఆయనలోని పటిమ గొప్పదనాన్ని తెలియజేస్తుంది.

అందుకేనేమో.. ఇప్పుడు ఆస్ట్రేలియాలోని భారతీయులు ఆయన రాక కోసం వేయి కళ్లతో ఎదురుచూస్తున్నారు.  ఆయనకు స్వాగతం పలికేందుకు ఆస్ట్రేలియాలో భారీ ఎత్తున ఏర్పాట్లు చేస్తున్నారు.. నవంబరు 15న బ్రిస్బేన్‌లో ప్రారంభంకానున్న జి-20 శిఖరాగ్ర సదస్సులో పాల్గొనేందుకు ప్రధాని ఆస్ట్రేలియా వెళ్లనున్నారు. ఈ పర్యటనలో భాగంగా మోడీ వచ్చే నెల 17వ తేదీన సిడ్నీలోని ప్రఖ్యాత ఒలింపిక్ పార్కులో ప్రవాస భారతీయులను ఉద్దేశించి ప్రసంగిస్తారు. దీనికోసం ఆస్ట్రేలియాలోని భారత జాతీయులు విస్తృత ఏర్పాట్లు చేస్తున్నారు.

జి.మనోహర్