ఇద్దరు పిల్లల తల్లిని వరించిన మిసెస్ ఇండియా అవార్డు

Posted: 10/21/2014 04:18 PM IST

అందమైన బామలు హోయలు ఒలకబోస్తూ క్యాట్ వాక్ తో పాటు పలు పోటీలలో గెలిస్తే ఇకనేం వారు మిస్ యూనివర్స్, మిస్ వరల్డ్ అయ్యే అవకాశాన్ని కొట్టిసిసట్టే. అలా సాధించారో లేదో వారి ముంగిట సినిమా ఆఫర్లు, వగైరాలు వచ్చి పడతాయి, వారు పడిన శ్రమనంతా మర్చిపోయేలా చేస్తాయని నిట్టూరుస్తుంటారు గృహిణులు. మీకు ఇలాంటి పోటీలలో పాల్గొన్నాలని వుందా..? కానీ మీకు ఫెళ్లైందని, పోటీలకు అనర్హురాలినని భావించకండి.. మీకు మంచి చాన్స్ లు వున్నాయి. ఇదిగో ఈ ఫోటోలో కనబడుతుందే ఈవిడ పేరు అమాన్ గ్రేవాల్..  ఇప్పడు మిస్ ఇండియా.. సారీ మిసెస్ ఇండియా అవార్గును సొంతం చేసుకుంది.

ప్రపంచ వ్యాప్తంగా వున్న భారతీయ గృహిణులలో ఈమెకు ఈ అరుదైన అవార్డు లభించింది. మిసెస్ ఇండియా 2014 పోటీల్లో ఆర్మీ అధికారి భార్య అమాన్ గ్రేవాల్ విజేతగా నిలిచింది. పాటియాలా నుంచి వచ్చిన గ్రేవాల్ 31 మంది సహచర పోటీదారుల్ని ప్రక్కకు నెట్టి టైటిల్ ను చేజిక్కించుకుంది. దేశ రాజధాని న్యూఢిల్లీలో జరిగిన ఈ పోటీల్లో ఆమె విజేతగా నిలవడంతో పాటు రూ.51 వేల నగదు బహుమతిని కూడా అందుకుంది. ఈ సందర్భంగా గ్రేవాల్ మాట్లాడుతూ.. మిసెస్ ఇండియా అవార్డును సొంతం చేసుకునే ప్రయత్నంలో తన కుటుంబంలో ప్రతీ ఒక్కరూ తనకు సహకరించారని తెలిపారు. తనకు తొమ్మిదిన్నర ఏళ్ల  కూతురు ఉందని. పోటీ జరిగే క్రమంలో డ్రెస్ అప్ ను చూసి తన కూతురు ఆశ్చర్యానికి గురైందని తెలిపారు. ఈ అవార్డు రావడం పట్ల నా కూతురు కూడా చాలా సంతోషంగా ఉందని స్పష్టం చేశారు.  తనకు ఒక కొడుకు కూడా ఉన్నట్లు గ్రేవాల్ తెలిపింది.

జి.మనోహర్