పటాసులగోదాం అగ్నిప్రమాదంలో 10మంది మృతి

Posted: 10/20/2014 04:13 PM IST

Fire accident cause 10deaths in eastgodawari godown factory

తూర్పుగోదావరి జిల్లాలో ఘోర అగ్నిప్రమాదం జరిగింది. యూ.కొత్తపల్లి మండలం వాకతిప్పలో పటాసుల గోదాంలో అగ్నిప్రమాదం సంభవించింది. స్థానిక ఎండీవో కార్యాలయం సమీపంలోని గోదాంలో జరిగిన భారీ పేలుడులో 10మంది మృతి చెందారు. అటు ఈ దుర్ఘటనలో పలువురు తీవ్రంగా గాయపడ్డారు.

ప్రమాదం జరిగిన సమయంలో గోదాంలో 30 మంది వరకు పనిచేస్తున్నట్లు తెలుస్తోంది. క్షతగాత్రుల్లో చాలామంది తీవ్రగాయాల పాలయ్యారు. కాలిన మృతదేహాలు, శరీర భాగాలతో ఘటనా స్థలంలో భయానక వాతావరణం నెలకొంది. బాణాసంచా గోదాంలో భారీగా ఎగిసిపడ్డ మంటలను ఆర్పేందుకు ఫైర్ సిబ్బంది తీవ్రంగా శ్రమించారు. ఈ ప్రమాదంకు విద్యుత్ షాట్ సర్క్యూట్ కారణమా లేక మరేమైనా కారణాలు ఉన్నాయా అనేది ధర్యాప్తు చేస్తే తెలుస్తుంది. తాజా దుర్ఘటనతో మృతుల కుటుంబాల్లో పండగవేళ విషాద ఛాయలు అలుముకున్నాయి.

కార్తిక్