సంఘమిత్ర ఎక్స్ ప్రెస్ లో చెలరేగిన మంటలు

Posted: 10/20/2014 07:20 AM IST

సంఘమిత్ర ఎక్స్ ప్రెస్ పెను ప్రమాదం నుంచి బయటపడింది. పాట్నా నుంచి బెంగళూరు వెళ్తున్న ఈ రైలులో మంటలు చెలరేగాయి. పాంట్రీకార్ కింది భాగంలో ఒక్కసారిగా మంటలు చెలరేగటంతో అధికారులు అప్రమత్తమై రైలును వరంగల్ లో నిలిపివేశారు. సాంకేతిక లోపం కారణంగా మంటలు చెలరేగినట్లు గుర్తించారు. ఘటనాస్థలానికి చేరుకున్న సహాయక సిబ్బంది.., రైల్వే అదికారులు మరమ్మత్తులు చేశారు. ఆ తర్వాత రైలు తిరిగి ప్రారంభం అయింది.

మంటలు చెలరేగటంతో సంఘమిత్ర ఎక్స్ ప్రెస్ లోని వారంతా భయాందోళనకు గురయ్యారు. ఏం జరుగుతుందో అని వణకిపోయారు. అయితే రైల్వే సిబ్బంది సకాలంలో స్పందించి అప్రమత్తం కావటంతో భారీ ప్రమాదం తప్పింది. లేదంటే రైల్వే దుర్ఘటనల్లో ఇది కూడా ఒకటిగా మిగిలి ఉండేది. ప్రమాదం తప్పటంతో గండం గడిచిందంటూ ప్రయాణీకులు ఊపిరిపీల్చుకున్నారు.

 

కార్తిక్