ఆడపడచులకు ఇబ్బందులు తలెత్తకుండా చూడండి

Posted: 10/01/2014 05:55 PM IST

తెలంగాణ రాష్ట్రంలో తొలిసారిగా అధికారికంగా జరుగుతున్న బతుకమ్మ వేడుకల నిర్వహణపై రాష్ట్ర ముఖ్యమంత్రి కేసీఆర్ సమీక్షా సమావేశం నిర్వహించారు. గురువారం జరగనున్న బతుకమ్మ ఉత్సవాలకు ఎల్బీ స్టేడియం, ట్యాంక్ బండ్ లపై చేసిన ఏర్పాట్ల గురించి అధికారులను అడిగి తెలుసుకున్నారు.

బతుకమ్మలను తీసుకుని వచ్చే ఆడపడచులకు ఎటువంటి ఇబ్బందులు కలగకుండా ఏర్పాట్లు చేయాలని ఉన్నాధికారులకు కేసీఆర్ సూచించారు. బతుకమ్మలను గంగమ్మ తల్లికి సమర్పించే క్రమంలో కేవలం నియమిత ఈతగాళ్ల మినహా నీళ్లలోకి ఎవ్వరినీ అనుమతించ కుండా చూడాలని అధికారులను అదేశించారు. అటు గ్రామాలోనూ పెద్ద స్థాయిలో జరిగే బతుకమ్మ కార్యక్రమాలపై సమీక్షించిన కేసీఆర్.. పెద్ద సంఖ్యలో ఆడపడచులు గుమ్మిడూడి బతుకమ్మలు ఆడే ప్రాంతాల్లో తాత్కాలిక ప్రాతిపదికన విద్యుత్ దీపాలను ఏర్పాటు చేయాలని సూచించారు.  తెలంగాణ రాష్ట్రం వచ్చిన తర్వాత జరుగుతున్న బతుకమ్మ వేడుకలను పెద్ద ఎత్తున నిర్వహించేందుకు తెలంగాణ ప్రభుత్వం భారీ ఏర్పాట్లు చేసింది.

జి.మనోహర్