డాలర్ శేషాద్రికి గుండెపోటు... స్విమ్స్ కు తరలింపు

Posted: 10/01/2014 05:47 PM IST

తిరుమల తిరుపతి దేవస్థానంలో పవిత్ర బ్రహోత్సవాలు నడుస్తున్న సమయం ఇది. ఈ సమయంలో ఎవరి నోట విన్నా అయన పేరే. అలాంటిది ఆయన అకస్మాత్తుగా హృద్రోదానికి గురయ్యారు. తిరుమల తిరుపతి దేవస్థానంలో ఆఫీసర్ ఆన్ స్పెషల్ డ్యూటీగా ఉన్న డాలర్ శేషాద్రి తీవ్ర అస్వస్థతకు గురయ్యారు. ఆయనకు గుండెపోటు రావడంతో తిరుమలలోని స్థానిక అశ్వని ఆస్పత్రికి తరలించారు. అక్కడ కూడా ఆయన తీవ్రమైన గుండెనోప్పితో బాధపడుతుండడంతో మెరుగైన వైద్యం కోసం తిరుపతి స్విమ్స్ ఆస్పత్రికి ఆలయ అధికారులు తరలించారు.

 శ్రీవారి బ్రహ్మోత్సవాల్లో తీరిక లేకుండా గడుపుతున్న ఆయన అలసట కారణంగా అస్వస్థతకు లోనయ్యారు. ఆయన ఆరోగ్య పరిస్థితి నిలకడగా ఉన్నట్టు సమాచారం. టీటీడీ ఉన్నతాధికారులు దగ్గరుండి ఆయన ఆరోగ్యపరిస్థితిని తెలుసుకుంటున్నారు. డాలర్ శేషాద్రికి కిడ్నీ సమస్యలతో పాటు ఊపిరితీత్తుల్లో నీరు చేరడం, ఒక్కసారిగా బీపీ లెవల్ పెరగడం వల్లే గుండెపోటు వచ్చిందని వైద్యులు తెలిపారు.

జి. మనోహర్