ఏపీకి ఆయనే బ్రాండ్ అంబాసిడర్ అట...

Posted: 10/01/2014 08:19 AM IST

తెలంగాణ రాష్ట్రానికి బ్రాండ్ అంబాసిడర్ గా ప్రముఖ టన్నీస్ క్రీడాకారిణి సానియా మిర్జాను నియమించడంతో.. అదే బాటలో వెళ్లేందుకు సిద్దమైన ఆంధ్రప్రదేశ్ ప్రభుత్వం.. ఇప్పుడు అసలు రహస్యాన్ని గుర్తించింది. గత నెలలో రాష్ట్ర ప్రభుత్వం తలపెట్టిన ఏడు మిషన్లకు ఏడుగురు బ్రాండ్ అంబాసిడర్లను నియమించాలా..? లేక మొత్తానికి ఒక్కరినే నియమించాలా అన్న అంశంపై మల్లగుల్లాలు పడిన ఏపీ సర్కార్.. ఇప్పడు ఆ ఆలోచననే వదిలేసింది. తమ రాష్ట్రానికి ప్రత్యేకంగా బ్రాండ్ అంబాసిడర్ అవసరం లేదని, ప్రస్తుతానికి ఆయనే బ్రాండ్ అంబాసిడర్ అని తెలిపింది.

ఇంతకీ ఎవరాయనా..? అనుకుంటున్నారా..? ఆంధ్రప్రదేశ్ రాష్ట్రానికి తానే బ్రాండ్ అంబాసిడర్‌ననీ, కొత్తగా బ్రాండ్ అంబాసిడర్ ఉండాల్సిన అవసరం లేదని తేల్చి చెప్పిన వ్యక్తి ముఖ్యమంత్రి చంద్రబాబే. నిజమేనండి.  లేక్‌వ్యూ అతిథి గృహంలో ఎలక్ట్రానిక్ మీడియా సీఈవోలు, సంపాదకులకు విందు ఇచ్చిన సందర్భంగా ఆయన పలు విషయాలను వారితో పంచుకున్నారు. ఈ సందర్భంగా ఆంధ్రప్రదేశ్ రాష్ట్రానికి తానే బ్రాండ్ అంబాసిడర్ అని చెప్పారట. అంతేకాదు ఆంధ్రప్రదేశ్ నుంచి జాతీయ రాజకీయాల్లో చక్రం తిప్పిన వ్యక్తిగా తన కంటే ఎవరికి ఎక్కువ పాపులారిటీ వుందని ప్రశ్నించారట. నిజమే కదా..! అంటూ విందును ఆరగించి వెళ్లారట మీడియా ప్రతినిధులు.

జి. మనోహర్