కరుణానిధి, స్టాలిన్ లపై ఎఫ్ఐఆర్ నమోదు

Posted: 09/28/2014 07:25 PM IST

అన్నాడీఎంకే అధినేత్రి జయలలితకు జైలు శిక్ష నేపథ్యంలో నిన్న తమిళనాడులోని అన్నాడీఎంకే, డీఎంకే కార్యకర్తల మధ్య జరిగిన ఘర్షణలకు సంబంధించి డీఎంకే చీఫ్ కరుణానిధి, ఆయన తనయుడు, పార్టీ కోశాధికారి ఎంకే స్టాలిన్‌లపై పోలీసులు కేసు నమోదు చేశారు. వీటీతోపాటు పలువురికి వ్యతిరేకంగా వ్యవహరించినందుకు గాను భారతీయ శిక్షాస్మృతిలోని పలు సెక్షన కింద వీరిపై పోలీసులు ఎఫ్ఐఆర్ నమోదు చేశారు. అల్లర్లు, మారణాయుధాలతో దాడి తదితర సెక్షన్ల కింద కేసులు నమోదు చేశారు.

గోపాలపురంలోని కరుణనిధి ఇంటి వద్ద డీఎంకే కార్యకర్తలు తమపై మారణాయుధాలతో దాడి చేశారని అన్నాడీఎంకే కార్యకర్తలు ఫిర్యాదు చేశారని రాయపేట పోలీసులు తెలిపారు. దీంతో పోలీసులు వారిపై మూడు ఎఫ్ఐఆర్ లు నమోదు చేశారు. నిన్న బెంగళూరు ప్రత్యేక కోర్టు తీర్పుతో జయలలితను నాలుగేళ్ల శిక్ష పడిన సందర్భంగా అన్నాడీఎంకే కార్యకర్తలు నిరసనలకు దిగారు. డీఎంకే నాయకులకు వ్యతిరేకంగా ఆందోళన చేపట్టడంతో ఇరు వర్గాల మధ్య తీవ్ర ఘర్షణలు చోటు చేసుకున్నాయి.

జి. మనోహర్