దేశ డీఎన్ఎలోనే ప్రజాస్వామ్యం వుంది..

Posted: 09/21/2014 07:08 PM IST

Lot of faith in the capabilities of indians says pm narendra modi

ప్రజాస్వామ్యం భారత దేశ డీఎన్ఎలోనే ఉందని ప్రధాని నరేంద్రమోడీ అన్నారు. ప్రస్తుతం ప్రజాస్వామ్యదేశాలే చాలా వేగంగా అభివృద్ధి చెందుతున్నాయన్నారు. 21వ శతాబ్దంలో భారత్-చైనా సంబంధాల్లో పెనుమార్పులు చోటు చేసుకున్నట్లు తెలిపారు. భారత్-చైనాను అనుకరించాల్సిన అవసరం లేదని ఒక ప్రశ్నకు సమాధానంగా చెప్పారు. భారత్ తిరిగి స్వీయంగా శక్తివంతమవుతుందన్నారు. అయితే ఇందుకు కఠినతరమైన శ్రమ కావాల్సిందేనన్నారు. చైనా మాత్రం ఒంటరిగా జీవించలేదని.. పొరుగుదేశాలతో కలిసి అడుగు వేయాల్సిందేనని మోడీ తెలిపారు. భారత్ నైపుణ్యంపై స్పష్టమైన రోడ్‌మ్యాప్ తయారు చేశామన్నారు. ఈ శకం భారత, చైనాలదేనని ఆయన అశాభావం వ్యక్తం చేశారు.

భారతీయువల శక్తి సామర్థ్యాలపై తనకు అపారమైన నమ్మకం ఉందని స్పష్టం చేశారు. ప్రధాని బాధ్యతలు చేపట్టిన అనంతరం తొలిసారి అంతర్జాతీయ మీడియాకు ఇంటర్యూ ఇచ్చిన మోడీ.. బాలికల విద్య ద్వారానే మహిళల స్వాలంబన సాధ్యమవుతుందన్నారు. ఇస్లామిక్ ఉగ్రవాదుల ముస్లింలకు ప్రతినిధులు కాదని తెలిపారు. ఉగ్రవాదం అనేది మానవత్వానికి ఒక సవాలు వంటిదని మోడీ స్పష్టం చేశారు. తనకు మానవత్వంపై అపారమైన నమ్మకముందన్నారు. భారత ముస్లింలు దేశం కోసమే జీవిస్తారని, అవసరమైతే భారత్ కోసం ప్రాణాలిస్తారని తెలిపారు. ఉగ్రవాదులు ఆడమన్నట్లు భారతీయ ముస్లింలు ఆడరని ఆయన అన్నారు. ప్రపంచంలోని మనుషులదరూ ఒక్కటవ్వాలని ఆకాంక్షించారు. భారత్-అమెరికాల మధ్య చాలా సామీప్యతలున్నాయన్నారు. పుస్తకాలు తన నేస్తాలని.. తానెప్పుడూ ఏకాకని అనుకోలేదని మోడీ అన్నారు.

జి మనోహర్