కూకట్ పల్లిలో అర్ధరాత్రి కిడ్నాప్ కలకలం

Posted: 09/21/2014 07:09 AM IST

Kidnap at kukatpally on saturday midnight

రెండు రాష్ర్టాల ఉమ్మడి రాజధాని హైదరాబాద్ లో అర్ధరాత్రి జరిగిన కిడ్నాప్ కలకలం రేపింది. పోలిసులు తెలిపిన వివరాల ప్రకారం శనివారం అర్ధరాత్రి కూకట్ పల్లిలోని కళానికేతన్ సమీపంలో మన్యంకొండ అనే యువకుడిని అర్ధరాత్రి దాటిన తర్వాత నలుగురు వ్యక్తులు బలవంతంగా ఆటోలో ఎక్కించి తీసుకెళ్ళారు. రూ.10వేలు ఇస్తే వదిలేస్తామని.. లేకపోతే చంపేస్తామని బెదిరించారు. అప్పటికే బాధితుడి వద్ద ఉన్న రూ.300డబ్బుతో పాటు సెల్ ఫోన్, ఆధార్ కార్డు, ఇతర గుర్తింపు కార్డులను తీసుకున్నారు. ఇక్కడే తెలివిగా వ్యవహరించిన మన్యంకొండ, ఇంకా డబ్బు కావాలని బెదిరించటంతో.., తనను ఇంటికి తీసుకెళ్తే ఇంకా డబ్బు ఇస్తానని చెప్పారు.

అత్యాశకు పోయిన దుండగులు.., ఇంటికి తీసుకెళ్ళారు. గది లోపలికి వెళ్ళగానే తలుపు పెట్టి పోలిసులకు ఫోన్ చేశారు. వెంటనే ఘటనాస్థలికి బయల్దేరిన పోలిసులు, యువకుడు ఉండే ఎల్లమ్మబండ ప్రాంతానికి చేరుకున్నారు. అంతేకాకుండా అయితే పోలిసుల రాకను పసిగట్టిన దుండగులు., బలవంతంగా మన్యకొండను పక్కకు నెట్టేసి తలుపులు తీసుకుని పారిపోయారు. మన్యంకొండ నుంచి జరిగిన వివరాలు తెలుసుకున్న పోలిసులు.., నిందితుల కోసం గాలిస్తున్నట్లు తెలిపారు. రాత్రి సమయాల్లో జాగ్రత్తగా ఉండాలని.., ఒంటరిగా అత్యవసరం అయితేనే బయటకు వెళ్ళాలని సూచించారు.

కార్తిక్