దసరా నుండి ‘భీర్ బలు‘లకు వాయింపులే..

Posted: 09/18/2014 03:32 PM IST

ఆంధ్రప్రదేశ్, తెలంగాణలలో ప్రజలకు అనేక వాగ్ధానాలు చేసి.. అధికారంలో కొలువుదీరిన కొత్త ప్రభుత్వాలు ముందస్తుగా రాష్ట్ర ఆదాయ మార్గాలను అన్వేషిస్తున్నారు., ఎంత ధరలు పెంచినా.. కిమ్మనకుండా మత్తలోకి జారే బీరు బలులు అందే మందుబాబుల జేబులకు చిల్లు పెట్టేందుకు ప్రభుత్వాలు ప్లాన్ చేస్తున్నాయి. ఉమ్మడి రాష్ట్రంలో వుండగా మద్యం ధరలను సమీక్షించిన సర్కార్..  విభజన జరిగిన నాటి నుంచి ఇప్పటివరకు ధరను సమీక్షించలేదు. అప్పటి ధర ఇప్పుడు ఏ రాష్ట్రంలోనూ లేదని, వాటిని పున: సమీక్షించాలని బీర్ కంపెనీల యాజమాన్యాలు కోరుతున్నాయి. పాత ధర చాలా తక్కువగా వుందని, వీటితో తమకు అనేక నష్టాలు వస్తున్నాయని బెవరేజ్ కంపెనీలు అంటున్నాయి.

ఇప్పటికైనా ప్రభుత్వం తక్షణం మద్యం ధరలను పున: సమీక్షించాలని లేని పక్షంలో తాము దనరా నుంచి ఉత్పత్తిని నిలిపేస్తామని హెచ్చరిస్తున్నాయి. అంతేకాదు ఆంధ్రప్రదేశ్ ఒకే బెవరేజ్ సంస్థ వుండడం, ఆ రాష్ట్రానికి కూడా బీరును తెలంగాణ నుంచే రవాణా చేయాల్సి రావడంతో పన్నుల రూపంలో భారం అధికంగా పడుతోందని బెవరేజ్ సంస్థలు గగ్గోలు పెడుతున్నాయి. ఒక్క బీరు కేసు (12 బాటిళ్ల)కు కర్ణాలక రూ.465, తమిళనాడు రూ. 335, కేరళలో రూ.325 ఇస్తున్నారని.. ఆ రాష్ట్రాల మాదిరిగానే బీరు ధరను పెంచాలని యాజమాన్యాలు డిమాండ్ చేస్తున్నాయి. బెవరేజ్ సంస్థల డిమాండ్ పై ఉమ్మడి తెలుగు రాష్ట్ర ప్రభుత్వాలు ఎలా స్పందిస్తాయో చూడాలిమరి...

జి.మనోహర్