కూతుర్ని వ్యభిచారంకు పంపిన పాతబస్తి తల్లి

Posted: 09/18/2014 12:04 PM IST

Mother forces daughter to go for prostitution

కన్న కూతురినే ఓ తల్లి వ్యభిచారం చేయమని బలవంతపెడుతోంది. డబ్బుల కోసం దారుణంగా ఊబిలోకి నెట్టేస్తోంది. ఈ దారుణ ఘటన హైదరాబాద్ పాతబస్తిలో ఈ తెల్లవారుజామున వెలుగు చూసింది. బావతో కలిసి తన తల్లి ఈ హేయమైన పనికి ఒడిగట్టిందని బాధితురాలు ఏడుస్తూ మహిళా సంఘాలకు తెలిపింది. బాధితురాలి వివరాల ప్రకారం హైదరాబాద్ పాతబస్తిలోని యాకుత్పురాకు చెందిన 15 ఏళ్ల బాలికను ఆమె తల్లి, బావ కలిసి బలవంతంగా వేర్వేరు ప్రాంతాలకు పంపుతూ వ్యభిచారం చేయిస్తున్నారు. తనను నగర శివార్లలోని ఫాంహౌస్లు, హోటళ్లతో పాటు పుణె, బాంబే, గోవా.. ఇలా అనేక ప్రాంతాలకు పంపి వ్యభిచారం చేయిస్తున్నారని బాధితురాలు తెలిపింది.

ఈ మద్య ఆమె తల్లి గోవాకు పంపగా., ఆమె గురువారం తెల్లవారుజామున ఇంటికి తిరిగివచ్చింది. అయితే మళ్లీ మరొక చోటుకు పంపటం ఖాయమని తెలుసుకుని ఇంట్లోంచి తప్పించుకుని దగ్గర్లోని రైల్వే స్టేషన్లలో తలదాచుకుంటూ చివరకు పీయూసీఎల్ కార్యాలయానికి చేరుకుంది. అక్కడ ఉన్న మహిళా కార్యకర్తలు బాధితురాలిని ప్రశ్నిస్తే.., రోదిస్తూ తన బాధలను వివరించింది. తనను చాలా కాలంగా తనతో వ్యభిచారం చేయిస్తున్నారని తెలిపింది. ఇంటికి వెళ్తే చంపేస్తారని కూడా భయపడుతోంది. రెండురోజుల క్రితం గోవా పంపగా, అక్కడి నుంచి గురువారం తెల్లవారు జామున నాలుగు గంటల ప్రాంతంలో నగరానికి వచ్చినట్లు చెప్పింది. దుబాయ్ షేక్ల వద్దకు కూడా తనను పంపుతున్నారని వాపోయింది.

కార్తిక్