కృతికకు కోటి నలభై లక్షల పరిహారం

Posted: 09/18/2014 11:55 AM IST

భారత దౌత్యవేత్త కుమార్తెపై తప్పుడు ఆరోపణలు చేసి, ఆమెను ఒకరోజు జైల్లో కూడా పెట్టిన అమెరికన్ అధికారులు.. ఎట్టకేలకు తప్పు తెలుసుకున్నారు. తమ తప్పును మన్నించాల్సిందిగా కోరుతూ ఆమెకు నష్టపరిహారాన్ని అందించారు. కోటి నలభై లక్షల రూపాయలను పరిహారంగా అందించేందుకు అంగీకరించారు. టీచర్కు అసభ్య ఈమెయిళ్లు పంపిందన్న అనుమానంతో కృతికా బిశ్వాస్ ను స్కూలు నుంచి అమెరికాలోని న్యూయార్క్ పట్టణంలోని ప్రముఖ పాఠశాల నుంచి సస్పెండ్ చేశారు. బాలిక అన్న కనికరం కూడా లేకుండా కర్కశత్వంలో కృతిక బిశ్వాస్ ను ఒకరోజు జైల్లో కూడా పెట్టారు.

తాను ఎలాంటి తప్పు చేయలేదని, తనను అనవసరంగా అబాసు పాలు చేయవద్దని కృతక అమెరికా అధికారులను కోరింది. అమెరికా పౌరురాలిన తన స్నేహితురాలే ఉపాధ్యాయురాలికి అసభ్య ఈ మెయిల్ పంపిందని చెప్పినా.. అధికారులు పెడచెవిన పెట్టారు. 21=011లో సంచలనం కలిగించిన ఈ ఘటనపై యావత్ భారతావని ఏకమైంది. కృతికపై అగ్రరాజ్యం అమెరికా చర్యలను తీవ్రంగా ఖండించింది. యావత్ భారతీయులు అండగా నిలవడంతో ధైర్యం కూడ గట్టుకున్న కృతిక.. న్యూయార్క్ నగర అధికారుల మీద, విద్యాశాఖ మీద కోర్టులో కేసు పెట్టింది. దీనిపై విచారించిన అమెరికా డిస్ట్రిక్ట్ జడ్జి జాన్ కోల్టెల్ అధికారులను ఆమెకు పూర్తి సంతృప్తి కలిగేలా 1.4 కోట్ల రూపాయల పరిహారం చెల్లించాలని ఆదేశించారు. దాంతో కేసులన్నింటినీ ఉపసంహరించుకునేందుకు బిశ్వాస్ అంగీకరించారు.

కృతికా బిశ్వాస్కు, భారత దౌత్యవేత్తలకు, భారతదేశానికి పరువుకు భంగం కలిగేలా వ్యవహరించినందుకు కోర్టు అధికారులను మందలించినట్లు బిశ్వాస్ న్యాయవాది రవి బాత్రా తెలిపారు. బిశ్వాస్ చాలా గౌరవప్రదమైన విద్యార్థిని అని సెటిల్మెంట్ సమయంలో అధికారులు పేర్కొన్నారు. తనకు ఇన్నాళ్లు అండగా నిలబడినందుకు భారత అమెరికన్ సమాజం, మాజీ రాయబారులు ప్రభు దయాళ్, మీరాశంకర్, మాజీ క్లాస్మేట్లు, టీచర్లు.. అందరికీ కృతిక కృతజ్ఞతలు తెలిపింది..

జి.మనోహర్