విజయవాడ కొండపైకి బైకుల నిషేధం

Posted: 09/18/2014 10:58 AM IST

భారీ వర్షాల కారణంగ విజయవాడ కొండపైకి భైకులను నిషేధిస్తూ దుర్గమ్మ దేవాలయ అధికారులు నిర్ణయం తీసుకున్నారు. ఉదయం నుంచి బైకులను అనుమతించటం లేదు. కేవలం దేవాలయ ప్రత్యేక బస్సుల్లోనే భక్తులను కొండపైకి అనుమతిస్తున్నారు. విజయవాడలో ఉదయం నుంచి ఈదురుగాలులతో కూడిన వర్షం పడుతోంది. ఈ వర్షానికి కొండపై ఉన్న రాళ్లు జారి కిందకు పడుతున్నట్లు అధికారులు గుర్తించారు. వెంటనే అప్రమత్తమై జాగ్రత్త చర్యలు చేపట్టారు. రాళ్ళు జారిపడే ప్రాంతాల్లో అదనంగా ఫెన్సింగ్ వేయటంతో పాటు అటువైపు ఎవరిని వెళ్లనివ్వటం లేదు. అటు భక్తులను కూడా కొండపై ఎక్కువ సమయం ఉండనివ్వటం లేదని తెలుస్తోంది.

అంతేకాకుండా బైకులను కూడా కొండపైకి అనుమతించటం లేదు. బైకులపై వచ్చేవారు మద్యలో ఆపి కాలక్షేపం చేస్తుండటంతో పాటు.., ఏదైనా ప్రమాదం జరిగితే తప్పించుకునే అవకాశాలు తక్కువ. దీంతో బైకులను నిషేధించారు. కేవలం దేవాలయం నడిపే ప్రత్యేక బస్సుల్లో మాత్రమే భక్తులను కొండపైకి అనుమతిస్తున్నారు. అటు ఘాట్ రోడ్డులో పడిన రాళ్లను తొలగించేందుకు చర్యలు చేపట్టారు.  

కార్తిక్