జెట్ ఎయిర్ వేస్ సరికోత్త ఆఫర్, రూ.933కే విమాన టిక్కెట్లు

Posted: 09/18/2014 07:50 AM IST

Jet airways offers all inclusive rs 933 offer

విమానయాన టిక్కెట్లు నేలకు దిగివస్తున్నాయి. జీవిత కాలంలో ఏదో ఒకరోజు విమానయానం చేయాలని భావించే సామాన్యులకు విమానయాన సంస్థలు అవకాశాలు కల్పిస్తున్నాయి. రకరకాల ఆఫర్లతో ఎయిర్లైన్స్ సంస్థలు ముందుకొస్తున్నాయి. ఎయిర్ ఇండియా వార్షికోత్సవాలలో భాగంగా 100 రూపాయలకే విమానయాన అవకాశాన్ని కల్పిస్తామని ప్రకటించడంతో.. ఆ బాటలోనే అన్ని సంస్థలు పయనిస్తున్నాయి. ఇప్పటికే స్సైస్ జెట్, 700 రూపాయలకే నిర్ధేశిత గమ్యస్థానాలకు ప్రయాణికులతను తరలిస్తామని ప్రకటించిండంతో.. కుప్పలు తెప్పలుగా టిక్కెట్లు బుక్ చేసుకున్న ప్రయాణికులకు జెట్ ఎయిర్ వేస్ మరో సరికోత్త అఫర్ ను తీసుకువచ్చింది.

ఇందులో భాగంగా జెట్ ఎయిర్వేస్ సంస్థ 933 రూపాయలకే విమానయానం అందిస్తోంది. 933 రూపాయల టిక్కెట్ లో పన్నలన్ని కలుపుకుని ప్రయాణికులను గమ్యస్థానాలకు చేరవేస్తామని ప్రకటించింది. జెట్ ఎయిర్వేస్, జెట్ కనెక్ట్ సంస్థలు నడిపే స్వదేశీ విమానాల్లో ఎకానమీ క్లాస్ ప్రయాణానికి ఈ ఆఫర్ వర్తిస్తుంది. దీని కింద ఈనెల 18 (ఈ రోజు ) మాత్రమే టిక్కెట్లను బుక్ చేసుకునే వెసలుబాటును కల్పించింది. 2015 జనవరి 16వ తేదీ తర్వాతి నుంచి చేసే ప్రయాణాలకు మాత్రమే ఇది వర్తిస్తుంది. ఒకసారి టికెట్ కొన్న తర్వాత మళ్లీ రద్దుచేయాలనుకున్నా డబ్బులు మాత్రం వెనక్కి రావు.

జి.మనోహర్