నా రాముడు మంచి బాలుడు : మంత్రి సునీత

Posted: 09/17/2014 10:07 AM IST

కొడుకుపేరు చెప్తే.. ఏ తల్లి అయినా గర్వంగా సంతోషపడుతుంది. కాని  ఏపీ మంత్రిపరిటాల సునిత మాత్రం ప్రజలు తన కొడుకు శ్రీరాం పేరు చెప్తే భాధపడుతుంది. పోలిసులకు చెప్పండి అని ఆదేశిస్తోంది. దీనికి కారణం శ్రీరాం పేరిట వసూళ్ళు జరగటం. పరిటాల సునీత కుమారుడు శ్రీరాం పేరిట అనంతపురం  జిల్లాలో కొంతమంది దళారులు వ్యాపారులు, అధికారులు, ఇతర రంగాలకు చెందిన వారిని బెదిరిస్తున్నారు. డబ్బులు ఇవ్వాలని లేకపోతే శ్రీరాం నుంచి ముప్పు తప్పదని హెచ్చరిస్తున్నారు. దీనిపై పరిటాల సునీతకు ఫిర్యాదులు వెళ్లాయి. అటు కొందరు పోలిసులకు చెప్పినా.., శ్రీరాం కావటంతో కేసు పెట్టేందుకు వారు కూడా వెనకాడి ముందుగా సునీతకు చెప్పిచూద్దాం అని జాగ్రత్తగా ఉండమని తల్లికి సూచించారు.

ఇలా వరుస ఫిర్యాదులు రావటంతో మంత్రి ఆగ్రహం వ్యక్తం చేసింది. తన కొడుకు పేరిట ఎవరో కావాలనే ఇదంతా చేయిస్తున్నారని లేదా.., తన కొడుకు పేరు ఉపయోగించుకుని కొందరు ఇలా బెదిరింపులకు దిగుతున్నారని చెప్పింది. అయితే ఈ వసూళ్లతో శ్రీరాంకు ఎలాంటి సంబంధం లేదని తెలిపారు. అంతేకాకుండా ఇకపై ఎవరైనా శ్రీరాం పేరిట వసూళ్లు.., బెదిరింపులకు పాల్పడితే పోలిసులకు చెప్పాలన్నారు. పరిటాల కుటుంబం ఇతరులకు సాయం చేయటమే కానీ.. ఒకరి నుంచి ఆశించదని చెప్పారు.

కార్తిక్