విలీనం.., విమోచనం.., ఎవరిగోల వారిదే

Posted: 09/17/2014 09:52 AM IST

Political parties stand on september 17th

తెలంగాణ ఉద్యమంలో అన్ని పార్టీలు కలిసి పనిచేశాయి. కానీ.., రాష్ర్టం ఏర్పడ్డాక మాత్రం ఎవరిళ్లకు వారు వెళ్ళిపోయారు. అధికార పక్షం చేస్తామంటే.., ప్రతిపక్షం వద్దని.., ప్రతిపక్షం కోరుకంటే అధికార పార్టీ పక్కనబెడుతూ వివాదాలను సృష్టించుకుంటున్నారు. తాజాగా సెప్టెంబర్ 17 వ్యవహారంపై కూడా రాజకీయ పార్టీల మద్య వేర్వేరు వాదనలు విన్పిస్తున్నాయి. భారతీయ జనతా పార్టీ ఇవాళ తెలంగాణ విమోచన దినం అని ప్రకటించింది. అందుకు తగ్గట్లుగా ఏర్పాట్లు కూడా చేసింది. ఉదయమే పార్టీ కార్యాలయంలో జాతీయ జెండా ఎగరవేసింది. నిజాం నిరంకుశత్వం నుంచి తెలంగాణ ప్రజలకు ఇవాళ విముక్తి లభించిన రోజు అని ప్రకటించింది. ఈ సందర్బంగా కేసీఆర్ ప్రభుత్వం విమోచన దినంను అధికారికంగా నిర్వహించకపోవటంపై మండిపడింది కూడా.

ఇక తెలంగాణను కష్టపడి తీసుకొచ్చిన కాంగ్రెస్ పార్టీ.., విమోచన దినం కాకుండా విలీనం దినం నిర్వహించుకుంది. వీరి దృష్టిలో తెలంగాణ ఇదే రోజున భారతదేశంలో విలీనం అయిందన్నమాట. ఈ సందర్బంగా వారు కూడా గాంధీ భవన్ లో జాతీయ జెండాను ఎగరవేసి కాసేపు మాట్లాడారు. ఇలా రెండు పార్టీలు వేర్వేరు విధానాలు పాటిస్తున్నాయి. ఒకే అంశాన్ని విభజించి రెండుగా పంచుకుని జెండా ఎగరేస్తున్ానయి. అయితే ఎవరి ఎజెండాకు తగ్గట్లు వారు ప్రకటనలు చేస్తున్నా.. జెండా మాత్రం ఒకటే ఎగరవేస్తున్నారు. అదే జాతీయ జెండా. ఎవరి గోల వారిదే అన్నట్లు ఉన్నా.., అందరి గోల్ మాత్రం జాతీయ జెండా ఎగురవేయటమే. విలీనం., విమోచనం అర్దాలు కొంచెం ఒకేలా ఉన్నా లోతుగా చూస్తే మాత్రం వేరేగా అర్ధం వస్తుంది. ఈ పేర్లతో విడిపోయిన పార్టీలు.., ప్రజలను కూడా భిన్న భావాలున్న వర్గాలుగా విభజించకుండా ఉంటే మంచిది.

కార్తిక్