ఆ పాట రూటు సపరేటు

Posted: 09/12/2014 02:35 PM IST

బాలీవుడ్ అగ్రతారలు నటించిన సినిమాపై అభిమానుల్లో కోటి ఆశలు ఉండటం సహజం. అభిమానులకు అందుబాటులోకి వచ్చిన శాస్త్ర సాంకేతిక పరిజ్ఞానంతో అగ్రనటులు రికార్డులు సృష్టిస్తున్నారు. ..మోబైల్ ఫోన్లో అందివచ్చిన ఇంటర్ నెట్ ద్వారా షారూఖ్ ఖాన్ అభిమానులు ఆయన తాజా చిత్రంలోని పాటకు ఏకంగా 20 లక్షల హిట్ లు ఇచ్చి కొత్త రికార్డును నెలకొల్పారు. అయితే ఇదంతా కేవలం 48 గంటల్లోనే కావడం విశేషం.

షారుఖ్ ఖాన్, దీపిక పదుకొనే జంటగా నటిస్తున్న 'హ్యాపీ న్యూఇయర్' సినిమాలోని 'మన్‌వా లాగే' అనే పాటను సినీ నిర్మాత మంగళవారం విడుదల చేశారు. ఈ పాటను యూట్యూబ్‌లో అప్ లోడ్ చేసిన 48 గంటల్లో 2 మిలియన్ల మంది వీక్షించారు. ఫరాఖాన్ దర్శకత్వంలో వస్తున్న ఈ సినిమాకు విశాల్ శేఖర్ సంగీతం అందించారు. ఈ సినిమా పాటలను పలు దఫాలుగా యూట్యూబ్ లో అప్ లోడ్ చేస్తుండగా, తొలి పాటకు రాని వ్యూవర్ షిప్ రెండో పాట మన్ వా లాగే పాటకు రావడంతో చిత్ర యూనిట్ ఉబ్బితబ్బిబవుతున్నారు. ఈ చిత్రంలో అబిషేక్ బచ్చన్ ప్రత్యేక పాత్రలో నటిస్తున్నారు. మన్ వా లాగే సాటకు యూట్యూబ్‌లో రెండు రోజుల్లో 2,677,043 వ్యూస్ రావడం విశేషం.

జి.మనోహర్