యూపీలో టీచర్ పై గ్యాంగ్ రేప్

Posted: 09/02/2014 10:23 AM IST

ఉత్తరప్రదేశ్ లో ఆడవారిపై అఘాయిత్యాలు ఆగటం లేదు. 14ఏళ్ళ స్టూడెంట్ పై గ్యాంగ్ రేప్ మరువక ముందే.., తాజాగా టీచర్ పై సామూహిక అత్యాచారం జరిగింది. సోమవారం పట్టపగలు ఈ దారుణం జరిగింది. భోన్ గావ్ పోలిస్ స్టేషన్ పరిధిలోని నాగ్లామధులోని ప్రాధమిక పాఠశాలలో ఓ మహిళ టీచర్ గా పని చేస్తోంది. ఎప్పట్లాగే సోమవారం స్కూలుకు వెళ్తుండగా.., వెంబడించిన ముగ్గురు దుండగులు నిర్మానుష్య ప్రాంతంలో ఉన్న పొదల్లోకి లాక్కెళ్ళారు. ఆమెపై బలవంతంగా సామూహిక అత్యాచారానికి పాల్పడ్డారు.

రేప్ చేయటంతో పాటు బాధితురాలి వద్ద ఉన్న ఐదువేల రూపాయల నగదు, బంగారు గొలుసును కూడా లాక్కుని పరారయ్యారు. అయితే ముగ్గురిలో ఒకరిని స్థానికులు పట్టుకుని చితకబాది పోలిసులకు అప్పగించారు. మిగతా ఇద్దరి కోసం గాలింపు కొనసాగుతుందని భోన్ గావ్ పోలిసులు తెలిపారు. వీరిపై నిర్భయ కేసు పెడతామని వెల్లడించారు.

యూపీలో రోజూ ఏదో ఒక చోట దారుణాలు జరుగుతూనే ఉన్నాయి. కొన్ని బయటకు వస్తుండగా.., మరికొన్ని ఆలస్యంగా వెలుగులోకి వస్తున్నాయి. అయితే కొంతమంది బాధితురాళ్లు వివిధ కారణాలను తమకు జరిగిన అన్యాయాలను బయటకు చెప్పటం లేదు. దీంతో కామాంధులు మరింత రెచ్చిపోతున్నారు.

 

కార్తిక్