పేలిన సిలిండర్. ఐదుగురి దుర్మరణం

Posted: 08/31/2014 11:29 AM IST

Gas cylinder blast in bus 5passengers dead

తమిళనాడులో ఘోరం జరిగింది. ఓ ప్రయివేటు బస్సులో గ్యాస్ సిలిండర్ పేలి ఐదుగురు సజీవ దహనం అయ్యారు. తమిళనాడులోని రామనాధపురం కీళ్ళకరై సమీపంలో బస్సులో ఉన్న సిలిండర్ పేలింది. వెంటనే మంటలు బస్సు మొత్తానికి వ్యాపించటంతో.., ప్రయాణికులు బయటకు వెళ్ళలేని పరిస్థితి ఏర్పడింది. మంటల్లో చిక్కుకుని ఐదుగురు సజీవ దహనం అయ్యారు. మరో 8మంది తీవ్రంగా గాయపడ్డారు. వీరిని స్థానిక ఆస్పత్రికి తరలించి చికిత్స అందిస్తున్నారు.

గాయపడ్డవారిలో నలుగురి పరిస్థితి విషమంగా ఉంది. బాధితులు, మృతులు అంతా పశ్చిమబెంగాల్ కు చెందిన వారుగా పోలిసులు చెప్తున్నారు. రామేశ్వర ఆలయాన్ని దర్శించుకుని కన్యాకుమారి వెళ్తుండగా ఈ ప్రమాదం జరిగినట్లు తెలుస్తోంది. రామేశ్వరం వెళ్తే శని తొలగుతుందంటారు. కాని వీరికి రామేశ్వరం వెళ్లి వస్తుంటేనే శని గ్యాస్ సిలిండర్ రూపంలో ఎదురయింది.

కార్తిక్