భార్యను చంపి శవంతో పీఎస్.కు భర్త

Posted: 08/30/2014 10:47 AM IST

సమాజంలో దారుణాలు రోజురోజుకూ పెరిగిపోతుంది. బట్టలు, అలవాట్లపై ఫారిన్ కల్చర్ ప్రభావం ఇప్పటికే ఉండగా.., నేరాల లోనూ ఈ కల్చర్ ప్రభావం చూపుతోంది. విదేశాల్లో హాలీవుడ్ యాక్షన్ సినిమాల తరహాలో జరిగే హత్యలు, దొంగతనాలు, దోపిడీలు ఇప్పుడు మన దేశంలో తెలుగు గడ్డపై కూడా జరుగుతున్నాయి. చిత్తూరు జిల్లాలో కట్టుకున్న భార్యనే కడతేర్చాడో భర్త. అంతేకాదు ఆమెను దారుణంగా చంపి శవంతో నేరుగా పోలిస్ స్టేషన్ కు వెళ్ళి లొంగిపోయాడు.

చిత్తూరు జిల్లా సంగరాయకుంటలో సలీం అనే వ్యక్తికి భార్యపై అనుమానం ఉండేది. అనుమానం రోజురోజుకూ పెరిగి., భార్యపై విరక్తి కలిగింది. దీంతో ఆమెను చంపాలని నిర్ణయించుకున్నాడు. అర్ధరాత్రి భార్య నిద్రపోతున్న సమయంలో.., కత్తితో పొడిచి దారుణంగా హత్య చేశాడు. ఎలాగు పోలిసులకు తెలుస్తుంది కాబట్టి ముందుగా తానే లొంగిపోతే బాగుంటుంది అనుకున్నాడు. భార్య శవాన్ని తీసుకుని నేరుగా పోలిస్ స్టేషన్ కు వెళ్ళాడు. భార్యను హత్య చేశాను., తనను అరెస్టు చేయండి అని పోలిసులతో చెప్పాడు.

విషయం విన్న ఖాఖీలు ముందుగా ఖంగుతిన్నా.., తర్వాత తేరుకున్నారు. ముందుగా నిందితుడిని అదుపులోకి తీసుకుని మృతదేహాన్ని పోస్టుమార్టం కోసం చిత్తూరు ప్రభుత్వ ఆస్పత్రికి తరలించారు. హత్య చేసిన నిందితుడిపై కేసు పెట్టినట్లు చెప్పారు. హత్యకు గల కారణలపై కూడా లోతైన విశ్లేషణ జరుగుతోందన్నారు. కోర్టులు, శిక్షలంటే భయముంటే ఇలాంటి నేరాలకు పాల్పడరు.., నేరం చేసి నేరుగా వచ్చి పోలిసులకే చెప్పి లొంగిపోయే ధైర్యం చేయరు అని ప్రజాస్వామ్యవాదులు అంటున్నారు. ఇప్పటికైనా మన చట్టాలను మరింత కఠినతరం చేయాలి. నేరం చేశాక శిక్ష కాదు.., నేరం చేయాలంటేనే శిక్ష గుర్తుకు వచ్చేలా భయం ఉండాలని భావిస్తున్నారు.

 

కార్తిక్