‘‘టాయిలెట్’’ లేదని భర్తకు విడాకులిచ్చిన మహిళ!

Posted: 08/29/2014 11:07 AM IST

(Image source from: woman gave divorced husband for not built toilet)

మహిళలు తమ ఆత్మాభిమానాన్ని కాపాడుకోవడం కోసం దేనికైనా తెగిస్తారనడానికి ఇదొక మంచి ఉదాహరణ! అత్తవారింట్లో టాయిలెట్ లేదని ఆగ్రహించిన సదరు మహిళ.. బయటకు వెళ్లడం సిగ్గుచేటని భావించి భర్తకు ఏకంగా విడాకులే ఇచ్చిపారేసింది. తన ఆత్మాభిమానాన్ని కాపాడుకుంటూ.. ఇతర మహిళలకు ఆదర్శంగా నిలిచింది ఆ అభిమానవతి!

వివరాల్లోకి వెళ్తే.. ఛత్తీస్‌గఢ్‌లోని రాయ్‌గఢ్‌లో వివాహానికి ముందు తమ కూతురికోసం టాయిలెట్‌ను నిర్మించాల్సిందిగా పెళ్లికూతురు తరఫువారు అబ్బాయివారికి ఒక షరతు విధించారు. కేవలం టాయిలెట్టే కదా.. నిర్మిస్తామని వారు చెప్పడంతో అందుకు వారు అంగీకరించి వివాహం జరిపించారు. అయితే వివాహం అయిన తర్వాత భర్తతరఫువారు టాయిలెట్ ఇంకా నిర్మించకపోవడంతో ఆ మహిళ ఆగ్రహంతో కుంగిపోయింది. అప్పటికీ ఆమె ప్రశాంతంగా తన అత్తవారికి టాయిలెట్ నిర్మించాల్సిందిగా చాలాసార్లు కోరింది. ఈ విషయంమీద భార్యాభర్తల మధ్య పలుసార్లు గొడవలు కూడా అయ్యాయి. దీంతో తీవ్ర ఆగ్రహానికి గురైన మహిళ.. తన పుట్టించికి వెళ్లి ఫిర్యాదు చేయడం, వాళ్లు అత్తారింటికి వచ్చి సర్దిచేయడం.. ఇలా పదేపదే కొనసాగేది.

అయినప్పటికీ వారు మరుగుదొడ్డిని మాత్రం నిర్మించలేదు. ప్రతిరోజూ గ్రామంలో అందరి ముందు నడుచుకుంటూ బహిర్భూమికి వెళ్ళాల్సి రావడం సిగ్గుచేటని భావించిన సదరు మహిళ.. ఇలా అయ్యేదికాదని భర్తకు విడాకులు ఇచ్చేసి.. తన పుట్టింటికి చేరిపోయింది. కాగా, ఉత్తరప్రదేశ్ రాష్ట్రంలోనూ ఇలాంటి సంఘటనలు చాలానే జరిగాయి. కుషినగర్ జిల్లాలోని తమ అత్తవారిళ్ళలో టాయిలెట్లు లేకపోవడంతో ఆరుగురు నవ వధువులు పుట్టింటికి చేరడంతో చర్చనీయాంశం అయింది.

AS