రోడ్డు ప్రమాదంలో చిక్కుకున్న సీఎం కేసీఆర్!

Posted: 08/28/2014 11:17 AM IST

తెలంగాణ రాష్ట్రముఖ్యమంత్రి సీఎం కేసీఆర్ ఒక రోడ్డు ప్రమాదంలో చిక్కుకుపోయారు. అయితే ప్రమాదం జరిగింది ఈయనున్న వాహనానికి కాదులెండి... విజయవాడ, హైదరాబాద్ రహదారిలో జరిగిన రోడ్డు ప్రమాదం కారణంగా ట్రాఫిక్ స్తంభించిపోవడంతో అందులో కేసీఆర్ చిక్కుకున్నారు. దాదాపు మూడుగంటలపాటు స్తంభించిపోయిన విజయవాడ జాతీయ రహదారిపై 5 కిలోమీటర్ల వరకు ట్రాఫిక్ నిలిచిపోయింది. అదే సమయంలో సూర్యాపేట నుంచి హైదరాబాద్ వస్తున్న కేసీఆర్ కాన్వాయ్ కొద్దిసేపు ఆ ట్రాఫిక్ లో చిక్కుకుపోయింది.

ముఖ్యమంత్రి వస్తున్నారనే విషయం తెలుసుకున్న వనస్థలిపురం ఏసీపీ ఆనంద్ భాస్కర్ తోపాటు సీఐ వెంకటేశ్వర్లు, ఇతర పోలీసు అధికారులు అక్కడికి చేరుకున్నారు. సీఎం వస్తుండటంతో పోలీసులు ప్రమాదం జరిగిన లారీల సంగతి పక్కనపెట్టేసి.. ట్రాఫిక్ ను క్రమబద్ధీకరించే పనిలో మునిగిపోయారు. సుమారు మూడుగంటలు గడిచిన అనంతరం.. రెండు వాహనాలను పక్కకు జరిపి ట్రాఫిక్ ను ఖాళీ చేయించారు. మరోవైపు ఈ రోడ్డు ప్రమాదంలో లారీ డ్రైవర్ చికిత్స పొందుతూ మరణించగా.. డ్రైవర్ ఘటనాస్థలంలోనే ప్రాణాలు విడిచాడు.