పవన్ కల్యాణ్ పై నమోదైన ‘‘వింత’’ ఫిర్యాదు!

Posted: 08/28/2014 11:11 AM IST

మానవుని జీవితంలో అప్పుడప్పుడు కొన్ని వింత ఘటనలు చోటు చేసుకుంటుంటాయి. ఇది కూడా అటువంటిదే అనుకోండి! జనసేనాధిపతి పవర్ స్టార్ పవన్ కల్యాణ్ పై ఆయనకు సంబంధం లేని విషయంలో ఎల్బీనగర్ పోలీస్ స్టేషన్ లో బాలరాజు అనే వ్యక్తి ఫిర్యాదు చేశాడు. అదేమిటంటే.. రూ.50 నోట్ పై తన బొమ్మను ముద్రించుకుని జాతిపిత మహాత్మాగాంధీని కించపరిచే విధంగా పవన్ కల్యాణ్ ఫేస్ బుక్ లో ప్రచారం చేసుకుంటున్నాడని ఆయన తన ఫిర్యాదులో పేర్కొన్నాడు. దీంతో పవన్ కల్యాణ్ పై వెంటనే క్రిమినల్ కేసు నమోదు చేయాలని ఆయన తన కంప్లైంట్ లో పేర్కొన్నాడు.

అంతేకాదు.. పవన్ కల్యాణ్ వందేళ్ల క్రితం పుట్టి వుంటే మహాత్మునికి బదులు తన బొమ్మే వేసుకునేవాడిననంటూ పవన్ ప్రచారం చేసుకుంటున్నాడని బాలరాజు ఫిర్యాదులో పేర్కొన్నాడు. సమగ్ర కుటుంబ సర్వేలో పాల్గొనని పవన్ ఏ విధంగా మహాత్ముడు అవుతాడంటూ అతను ప్రశ్నించాడు. పవన్ చేస్తున్న ఈ దురాక్రమానికి ఖచ్చితంగా శిక్ష పడాల్సిందేనని.. తనపై కేసు నమోదు చేసి జైల్లో వేయాలంటూ అతను ఆగ్రహంతో వ్యక్తం చేస్తున్నాడు.

సాధారణంగా ఫేస్ బుక్ లో ఇటువంటి ఫోటోలు ఎన్నో వుంటాయి. నోట్లమీద గాంధీ బొమ్మ తొలగించి తమకు నచ్చిన హీరో ఫోటోలను పెట్టుకోవడం... మార్ఫింగ్ చేసనవి చాలా వుంటాయి. ఆ ఫోటో కూడా పవన్ అభిమానులే క్రియేట్ చేసి వుంటారు. అంతేకానీ.. పవన్ కు అటువంటి ఫోటోను ఎందుకు తయారుచేసుకుంటాడు చెప్పండి! అయినా పవన్ కల్యాణ్ కు వున్న క్రేజే అంతా! ఆ మధ్య అత్తారింటికి దారేది సినిమా ఆగిపోతే.. దానిపై అభిమానులు ఎన్నో ప్రచారాలు చేశాడో. ‘‘ఇంట్లో దేవుడు ఫోటో వుంది కదా అని గుడికి వెళ్లడం మానేస్తామా..? అలాగే పవన్ సినిమా క్యాసెట్ వచ్చిందని థియేటర్ కు వెళ్లకుండా వుంటామా..?’’ అంటూ ఆయన్ను దేవుడితోనే పోల్చేశారు. మరి దీనిమీద ఏమంటారు..?

AS