రజనీకాంత్ ‘‘లింగా’’ సినిమా షూటింగ్ రద్దు!

Posted: 08/27/2014 11:08 AM IST

తమిళ సూపర్ స్టార్ రజనీకాంత్ హీరోగా తాజాగా తెరకెక్కుతున్న మూవీ ‘‘లింగా’’! భారీ బడ్జెట్ తో నిర్మించడమే కాకుండా సరికొత్త సాంకేతిక విధానాలతో రకరకాల లొకేషన్ల మధ్య తీస్తున్న ఈ సినిమా మీద దర్శకనిర్మాతలతోపాటు అభిమానులు కూడా భారీ అంచనాలే పెట్టుకున్నారు. అందులో భాగంగానే ఈ సినిమా షూటింగ్ శరవేగంగా పూర్తిచేసే పనిలో యూనిట్ మొత్తం పరుగులు తీస్తోంది. అయితే తాజా పరిణామాల ప్రకారం వీరు ఆగిపోయేటట్లు కనిపిస్తున్నాయి. రజనీకాంత్ సినిమా షూటింగ్ ను ఎట్టి పరిస్థితుల్లోనూ నిలిపివేయాల్సిందేనని డిమాండ్లు వస్తున్నాయి. ఒకవేళ షూటింగ్ ను రద్దు చేయకపోతే చట్టపరమైన చర్యలు తీసుకోవాల్సి వస్తుందని హెచ్చరికలూ జారీ చేస్తున్నారు.

మొన్నామధ్యే కర్నాటకలో ఈ సినిమా షూటింగ్ ను ఆపాలంటూ ఆ రాష్ట్రానికి చెందిన కొంతమంది నిరసనలు వ్యక్తం చేసిన సంగతి తెలిసిందే! ఆ సమస్య నుంచి ఎలాగోలా బయటపడిన ‘‘లింగా’’.. తాజాగా మరో వివాదంలో చిక్కుకున్నాడు. వివరాల్లోకి వెళ్తే.. ప్రస్తుతం ఈ మూవీ షూటింగ్ కర్నాటకలోని శివమొగ్గ దగ్గరున్న ప్రముఖ జలాశయం లింగనమక్కి వద్ద షూటింగ్ జరుపుకుంటోంది. అయితే నిజానికి ఈ ప్రదేశం పర్యాటక నిషిద్ధ ప్రాంతం. ఇక్కడ ఫోటోలు, వీడియోలు తీయడం కూడా నిషేధమే! ఎంత పెద్ద ప్రముఖ వ్యక్తులు వచ్చినా.. ఇక్కడి అధికారాలను మాత్రం ధిక్కరించకూడదు. అయినప్పటికీ రజనీ ‘‘లింగా’’ సినిమాకు మాత్రం ఇక్కడ షూటింగ్ జరుపుకునేందుకు లభించింది. దీంతో ఇది కొంచెం సంలచనంగా మారిపోయింది.

ఒక్కూట ఆధ్వర్యంలో అక్కడున్న పర్యావరణ ప్రేమికులు ఈ మూవీ షూటింగ్ కు వ్యతిరేకంగా నిరసన గళం వినిపిస్తున్నారు. డ్యాం రక్షణ దృష్ట్యా నిబంధనలను పాటించాలని వారు కోరుతున్నారు. ఇటువంటి ప్రదేశాల్లో షూటింగ్ లు చేయడం వల్ల అక్కడున్న వాతావరణ పరిస్థితి దెబ్బతినే అవకాశం వుందనే భావనతో వారు ఈ షూటింగ్ ను రద్దు చేయాల్సిందిగా డిమాండ్ చేస్తున్నారు. ఈమేరకు వారు తక్షణమే షూటింగ్ రద్దు చేయాల్సిందిగా అడిషనల్ కలెక్టర్ కు ఫిర్యాదు చేశారు. మరి వారి డిమాండ్ మేరకు ఈ మూవీ షూటింగ్ ను అక్కడ రద్దు చేస్తారా..? లేదా..? అన్నది వేచి చూడాల్సిందే!

AS