‘‘ఎబోలా’’ దేశం ముంబైకి వచ్చిన ఇండియన్స్!

Posted: 08/26/2014 01:32 PM IST

112 indians coming from ebola country liberia

ప్రపంచ అగ్రరాజ్యాలను ఇంతవరకు ఏ వ్యాధి భయపెట్టని విధంగా ‘‘ఎబోలా’’ వణికిస్తున్న విషయం తెలిసిందే! తమ ప్రాంతాల్లో ఇది ఎక్కడ వ్యాపిస్తుందోనని ప్రతిఒక్కరూ ఆయా ప్రదేశాల్లో అప్పుడే సిబ్బందులను ఏర్పాటు చేసి పెట్టుకున్నారు. అంతటి భయానకరమైన ఎబోలా వైరస్ మహమ్మారి వైరస్ బారిన పడిన లైబీరియా మొత్తం అతలాకుతలైపోయింది. అక్కడే దాదాపు 1000కి మంది పైగా ఈ వైరస్ బారినపడి ప్రాణాలు కోల్పోయారు. చికిత్స అందిస్తున్న డాక్టర్లు కూడా ఈ వైరస్ కు గురై ప్రాణాలను కోల్పోయారు. దీంతో లైబీరియాలో భ్రదతాఏర్పాట్లు భారీ స్థాయిలో నిర్వహించారు. ఒక ప్రాంతం నుంచి మరో ప్రాంతానికి ఇది వ్యాపించకుండా వుండేందుకు వాళ్లు చాలా జాగ్రత్తలు పాటిస్తున్నారు. ఎవరికీ, ఎక్కడ, ఎలా వ్యాపిస్తుందోనన్న భయంతో ప్రజలు ఎన్నో జాగ్రత్తల నడుమ బయటికి వస్తున్నారు. అటువంటి ప్రాంతం నుంచి మన ఇండియన్స్ దాదాపు 112 మంది తిరిగి తమ స్వదేశానికి అంటే ఇండియాకి తిరిగి వస్తున్నారు.

ఎబోలా మహమ్మారి బారినపడి అతలాకుతలమవుతున్న లైబీరియా నుంచి 112 మంది భారతీయులు మంగళవారం స్వదేశం వస్తున్నారన్న వార్తలు వచ్చిన అనంతరం భారతీయ ప్రభుత్వం అలర్ట్ ప్రటకించింది. తొలువ వీరంతా ముంబైకి చేరుకుని అక్కడి నుంచి తమతమ స్వస్థలాలకు వెళతారు. అయితే ముందుగా వీరికి ఎబోలా వైరస్ సోకిందా..? లేదా..? అన్న విషయాన్ని రూఢీ చేసుకున్న తర్వాతకాని వారిని వదలడం సాధ్యం కాకపోవచ్చు. ఒకేసారి ఇంతమంది ఎబోలా వైరస్ వ్యాప్తి చెందిన ప్రాంతం నుంచి రావడంతో ముంబై ఎయిర్ పోర్టులో అలర్ట్ ప్రకటించారు. వారందరికీ ప్రత్యేకంగా వైద్య పరీక్షలు నిర్వహించేందుకు అన్ని ఏర్పాట్లను కూడా సిద్ధం చేశారు. పైగా వీరంతా వేర్వేరు విమానాల నుంచి వస్తుండటంతో అధికారులు అందరూ అప్రమత్తమయ్యారు.

లైబీరియా నుంచి వస్తున్న మన ఇండియన్స్ కి ఎబోలా వైరస్ బారిన పడకుంటే ఎటువంటి సమస్య లేదుకానీ.. ఒకవేళ ఒక్కరైనా దీని బారినపడినవారుంటే మాత్రం చాలా పెద్ద ప్రమాదమే అవుతుంది. అధికారులు చాలా జాగ్రత్తలతో అతనికి చికిత్స చేసి, రహస్యమైన ప్రదేశంలో వుంచాల్సి వుంటుంది. ఇలాకాని పక్షంలో ఆ వ్యక్తి బయటిప్రపంచంలోకి వస్తే మాత్రం.. ఇండియా ఇక ‘‘ఎబోలా దేశం’’గా మారిపోయే ప్రమాదం వుంది. ఎందుకంటే.. మన భారతదేశంలో కాలుష్యం తీవ్రత ఎంతుందో తెలిసిందే! అటువంటి వాతావరణంలో ఈ వైరస్ వ్యాపిస్తే మాత్రం అంతే సంగతులు! గాలికన్నా ఎక్కువ వేగంతో ఇది స్పీడుగా పయనించి దేశం మొత్తం మీద పాగా వేసేస్తుంది. కాబట్టి.. వారిలో ఏ ఒక్కరు ఎబోలాకు గురైన వారు వుండకూడదనే ఆశిద్దాం!