పాక్ ఉల్లంఘన కాల్పుల్లో ఇద్దరు భారత్ పౌరుల మృతి!

Posted: 08/23/2014 04:29 PM IST

పాకిస్తాన్ - ఇండియా బార్డర్ లో వాతావరణం చాలా వేడెక్కిపోయింది. పాకిస్థాన్ దళాలు వరుసగా కాల్పుల విరమణను ఉల్లంఘిస్తూనే వున్నాయి. శనివారం ఉదయం కూడా భారత్ - పాకిస్థాన్ ల మధ్య కాల్పుల విరమణను విధించిన నేపథ్యంలో.. పాక్ దళాలు వాటిని ఉల్లంఘించి కాల్పులు జరిపారు. ఆర్ఎస్ పురా, అర్నియా సెక్టార్లలో వున్న 22 భారత శిబిరాలే లక్ష్యంగా చేసుకున్న పాకిస్తాన్.. భారీగా ఫైరింగ్ చేశారు. దీంతో ఈ ఫైరింగ్ ల మధ్య బార్డర్ దద్దరిల్లిపోయింది. ఈ యుద్ధంతో ఏ సంబంధం లేని ఇద్దరు సాధారణ పౌరులు తమ ప్రాణాలను కోల్పోగా.. ఓ జవాన్ సహా నలుగురికి తీవ్ర గాయాలయ్యాయి.

ఈ నేపథ్యంలోనే ఒక సీనియర్ పోలీసు అధికారి మాట్లాడుతూ.. మహమ్మద్ అక్రమ్, అతని 13ఏళ్ల కుమారుడు ఈ కాల్పుల్లో చనిపోయినట్లు స్పష్టం చేశారు. అలాగే తీవ్ర గాయాలపాలైన ఏడుగురిలో అక్రమ్ భార్య, అతని ముగ్గురు, ఓ బీఎస్ఎప్ కానిస్టేబుల్ కూడా వున్నట్లు ఆయన వివరించారు. వారందరికీ జమ్మూ మెడికల్ కాలేజ్ కు తరలించి.. అక్కడ మెరుగైన చికిత్స చేయిస్తామని ఆయన వెల్లడించారు. పాక్ ప్రధాని నవాజ్ షరీఫ్, నరేంద్రమోదీతో కలిసిన అనంతరం యుద్ధాలు సమసిపోతాయనుకున్న తరుణంలో.. ఇవి మరింతగా పెరిగిపోయాయి. ఈ సమస్య మీద ఇద్దరు ప్రధానులు ఎటువంటి నిర్ణయాలు తీసుకుంటారో వేచి చూడాల్సిందే!

AS