ఆంధ్రప్రదేశ్ కు దక్కిన ప్రపంచ అవార్డు!

Posted: 08/23/2014 09:44 AM IST

మొట్టమొదటిసారిగా యావత్తు భారతదేశం మొత్తంలో (ఉమ్మడి) ఆంధ్రప్రదేశ్ రాష్ట్రానికి ఒక అరుదైన అవార్డు లభించింది. అదికూడా ప్రపంచ ఆరోగ్యసంస్థ నుంచి లభించడం విశేషం! గతంలో మన ఆంధ్రప్రదేశ్ కి కొన్ని చెత్త అవార్డులు లభించగా.. ఈసారి మాత్రం ఆరోగ్యపరమైన విషయంలో ముందుకు దూసుకుపోతూ అవార్డును కైవరసం చేసుకుంది. ఆంధ్రప్రదేశ్ ఒక పోలియో రహిత రాష్ట్రంగా ప్రపంచ ఆరోగ్య సంస్థ (డబ్ల్యూహెచ్ వో) అవార్డు వచ్చింది. ఈ విషయాన్ని వైద్య - ఆరోగ్యశాఖమంత్రి అయిన కామినేని శ్రీనివాస్ గారు ధృవీకరించారు. 2008లోనే ఆంధ్రప్రదేశ్ కు ఈ అరుదైన అవార్డు లభించిందని ఆయన తాజా మీడియా సమావేశంలో పేర్కొన్నారు.

ఇక రాబోయే రోజుల్లో త్వరలోనే రాష్ట్రంలోని అన్ని జిల్లా, ప్రధాన ప్రభుత్వ ఆసుపత్రుల్లో మెరుగైన సౌకర్యాలను అమలు చేయడంతోపాటు పిపిపి విధానాన్ని కూడా ఏర్పాటు చేస్తామని శ్రీనివాస్ వెల్లడించారు. ప్రస్తుతం మెడికల్ కౌన్సిలింగ్ విషయంపై తెలంగాణ ప్రభుత్వంతో మాట్లాడుతున్నామని ఆయన ప్రకటించారు. రెండు రోజుల్లో ఫీజులపై నిర్ణయం తీసుకుని, మెడికల్ కౌన్సిలింగ్ తేదీలను ప్రకటిస్తామని మంత్రి కామినేని స్పష్టం చేశారు. అయితే ఆంధ్రాకు ఇటువంటి అవార్డు లభించడం ఎంతో గర్వించదగ్గ విషయమని అందరూ అభిప్రాయపడ్డారు.

AS