గుడి వెనక ఆ సామి.. !!

Posted: 08/22/2014 01:08 PM IST

A temple employee using temple premises for illegal contacts

కామంతో కళ్లు మూసుకుపోతున్న కొందరు ప్రబుద్ధులు విలువలు మరిచి ప్రవర్తిస్తున్నారు. ఆద్యాత్మికత, ధార్మికతకు నిలయమైన గుడిలను తమ అక్రమ సంబంధాలకు అడ్డాగా మార్చకుంటున్నారు. దేవాలయాలను తప్పుడు పనులకు వాడుకుంటున్నారు. తూర్పుగోదావరి జిల్లా పోలవరం మండలం ముఖ ద్వారంగా ఉండే మురమళ్ళ వీరేశ్వర స్వామి ఆలయం గెస్ట్ హౌజ్ లో కొంతకాలంగా జరుగుతున్న రాసలీలలు బయటకు వచ్చాయి. గుడిలో పనిచేసే ఓ ఉద్యోగే ఈ బాగోతమంతా నడుపుతున్నట్లు తెలిసి అంతా అవాక్కయ్యారు. ప్రస్తుతం ఈ విషయం జిల్లాలో అంతా హాట్ టాపిక్ గా చర్చించుకుంటున్నారు.

వీరేశ్వర స్వామి ఆలయం దగ్గర భక్తుల విడిది కోసం గెస్ట్ హౌజ్ ఉంది. నాలుగు గదులుండే ఈ అతిధి గృహంలో ఒక ఏసీ గది కూడా ఉంది. మూడ్రోజుల క్రితం రాత్రి 11గంటల తర్వాత జిల్లాకు చెందిన ఓ యువతి పాటు పశ్చిమగోదావరి జిల్లాకు చెందిన మరో యువతిని గెస్ట్ హౌజ్ కు తీసుకొచ్చింది. గుడిలో పనిచేసే ఓ ఉద్యోగి వచ్చిన ఏసీ రూంలో రాసలీలలు సాగించినట్లు విషయం బయటకు వచ్చింది. దీంతో గుడికి చెందిన ప్రతినిధులు విచారణ చేపట్టారు. ఆలయానికి ఎవరు వచ్చారు. ఎందుకు వచ్చారు అనే విషయాన్ని ధర్యాప్తు చేశారు. చివరకు యువతుల భవిష్యత్తును దృష్టిలో ఉంచుకుని ఈ వ్యవహారాన్ని బయటకు పొక్కనియవద్దని స్థానిక నేత ఒకరు నిర్ణయం తీసుకున్నారు. అయితే ఈ బాగోతానికి తెగబడ్డ ఉద్యోగిని మాత్రం వెంటనే ఇక్కడి నుంచి పంపించాలని ఆదేశించారు. ఆలయ సిబ్బంది సరిగా ఉంటే ఇలాంటి పనులు ఎలా జరుగుతాయని భక్తులు మండిపడుతున్నారు. దేవాలయాల ప్రతిష్టను ఇలాంటి కామాందులు మంట గలుపుతున్నారని ఆగ్రహం వ్యక్తం చేస్తున్నారు.

కార్తిక్