టీ ఆలస్యమైందని భార్యను చంపిన భర్త

Posted: 08/22/2014 01:01 PM IST

మృగాళ్ళ పైశాచికత్వం రోజురోజుకూ పెచ్చుమీరుతోంది. భార్య అంటే పనిమనిషిలా భావిస్తున్న కొందరు భర్తలు.., బానిసల కంటే హీనంగా చూస్తున్నారు. చివరకు చెప్పిన పని కాస్త ఆలస్యంగా చేసినా చంపేస్తున్నారు. కేవలం టీ ఇవ్వడం ఆలస్యమైందని ఓ భర్త భార్యను చంపేశాడు. ఒడిశాలోని ధెంకనల్ జిల్లా గుహాలిపల్ కు చెంది మహాలియా నాయక్ అనే వ్యక్తి  తన భార్య ఝూనాను టీ తీసుకురమ్మని ఆదేశించాడు. ఇంట్లో పనుల వల్ల ఆమె టీ తేవటం కాస్త ఆలస్యమైంది. దీంతో కోపోద్రిక్తుడైన నాయక్, ఆలస్యమైందని గొడవకు దిగాడు. చినుకు, చినుకు గాలివానలా గొడవ పెద్దగా అయింది. భర్త గొడవ పడటంతో మానసికంగా కుంగిపోయిన ఝూనా ఇంట్లో వంట చేయలేదు.

వంట చేయమని ఆదేశించినా చేయనని చెప్పింది. దీంతో ఆగ్రహించిన భర్త.., తన మాటకే ఎదురు చెప్తావా అంటూ చితకబాదాడు. చివరకు కోపం పట్టలేక కత్తితో పొడిచి దారుణంగా హత్య చేశాడు. బుధవారం జరిగిన ఈ ఘటన నిందితుడి అరెస్టుతో ఇవాళ బయటకు వచ్చింది. కేవలం టీ గురించి భార్యను చంపుకుతిన్న నాయక్ ను గ్రామస్థులు.., మహిళా సంఘాలు శాపిస్తున్నాయి. భార్య అంటే చులకనగా చూసి.., చివరకు ఆమె ప్రాణాలను బలిగొన్న మహాలియా నాయక్ ను కఠినంగా శిక్షించాలని మహిళా సంఘాలు కో రుతున్నాయి.

కార్తిక్