నగ్నంగా వున్న అమీర్ పై వాతలు పెట్టిన కోర్టు!

Posted: 08/21/2014 06:46 PM IST

(Image source from: case filed on aamir khan for releasing a nude poster of his pk movie)

బాలీవుడ్ మిస్టర్ పర్ ఫెక్ట్ అమీర్ ఖాన్ ఏది చేసినా అందులో కొంత ప్రత్యేకత వుంటుందనేది అందరికీ తెలిసిన విషయమే! ప్రయోగాలు చేయడంలో ఈయనే ఎప్పటికీ ముందుంటాడు. అందులో సక్సెస్ సాధించే మంత్రం కూడా కేవలం ఈయనకే సాధ్యం! అందుకే.. ఇంతవరకు ఈయన తీసిన చిత్రాలన్నీ బాలీవుడ్ లో సరికొత్త సంచనాలను సృష్టిస్తాయి. అయితే కొన్ని సినిమాలయితే వివాదాస్పదం కూడా అవుతాయి. గతంలో వివాదాస్పదమైన అమీర్ చిత్రాలు చాలానే వున్నాయి కానీ.. తాజాగా ఈయన ‘‘పీకే’’ చిత్రానికి సంబంధించి విడుదలైన మొదటి ‘‘నగ్న’’ పోస్టర్ పెద్ద దుమారంగా మారిపోయింది. రోజురోజుకు ఈ పోస్టర్ కు సంబంధించి ఆసక్తికరమైన వార్తలు వెలువడుతున్నాయి. సినీ ప్రముఖుల నుంచి అభిమానులందరూ అమీర్ పై వాదోపవాదనలు వినిపించారు. మిస్టర్ పర్ ఫెక్ట్ గా పేరుతెచ్చుకున్న హీరో.. ఇలా కనిపించడమేంటని అందరూ ప్రశ్నలను లేవనెత్తారు.

ఇదిలావుండగా.. అమీర్ నగ్న పోస్టర్ పై న్యాయవాది అమిత్ సాహు ఏకంగా ఒక పెద్ద దెబ్బే వేశాడు. మన భారతీయ సంస్కృతి - సంప్రదాయాలకు విరుద్ధంగా అమీర్ ఖాన్ నగ్నంగా తన పోస్టర్ ను విడుదల చేశారంటూ ఆయన కోర్టులో ఫిర్యాదు చేశారు. దీంతో అతని మీద ఎలాగైనా కేసు నమోదు చేయాలని ఆ ఫిర్యాదులో అతను పేర్కొన్నాడు. ఈమేరకు న్యాయవాది ఫిర్యాదును పరిశీలించిన కోర్టు.. నగ్నంగా వున్న అమీర్ పై వాతలు వేసేసింది. అమీర్ పై కేసు నమోదు చేయాలని మధ్యప్రదేశ్ లోని జ్యుడిషియల్ మేజిస్ట్రేట్ ఫస్ట్ క్లాస్ ఆర్ డీ దెహరియా అథర్తల్ పోలీస్ స్టేషన్ ఇన్ ఛార్జిని ఆదేశించారు. అలాగే ఇతనితోపాటు ‘పీకే’ చిత్రం దర్శక, నిర్మాతలు రాజు హిరాణి, విధు వినోద్ చోప్రా, ఫిల్మ్ అండ్ టెలివిజన్ ప్రొడ్యూసర్ గిల్డ్ ప్రెసిడెంట్, నిర్మాత ముకేశ్ భట్, పోస్టర్ ను పబ్లిష్ చేసిన మూడు స్థానిక పత్రికల ఎడిటర్, పబ్లిషర్లపై కూడా కేసు నమోదు చేయనున్నారు.