గాల్లోనే పైలట్ మృతి? అయినా ప్రయాణికులు సేఫ్!

Posted: 08/21/2014 01:22 PM IST

మలేషియా ఎయిర్ లైన్స్ కు ఏదో కీడు సంభవించినట్టు కనిపిస్తోంది. ఎప్పుడు, ఏది సంఘటన జరిగినా.. అది మలేషియాకు చెందిన విమానాల గురించే వస్తుంటుంది. అప్పట్లో ఏదో మలేషియన్ విమానం అడ్రస్ లేకుండా పోయిన విషయం తెలిసిందే! ఆ తర్వాత ఇంకొక విమానం తృటిలో ప్రమాదం తప్పించుకుందని ఆమధ్య వార్తలు వచ్చాయి. ఇప్పుడు తాజాగా ఇంకొక విమానం చాలా పెద్ద ప్రమాదం నుంచే బయటపడింది. విమానం టేకాఫ్ అయిన కొద్ది నిముషాలకే అందులో వున్న పైలట్ కుప్పకూలిపోయాడు. అయినా అందులో వున్న 152 ప్రయాణికులు మాత్రం సేఫ్ గానే ల్యాండ్ అయిపోయారు.

ఇది నిజంగా ఆందోళన కలిగించే అంశం. ఎందుకంటే.. గాల్లో వున్న విమానంలో ఒక పైలట్ మృతి చెందిందే దానిని అదుపు చేయడం చాలా కష్టం అవుతుంది. ఆ పరిస్థితిని మ్యానేజ్ చేయడం చాలా కష్టం! సాధారణంగా పైలట్ కు సాయంగా కో-పైలట్ వుంటారు కానీ.. ఇటువంటి విపత్కర పరిస్థితుతిని అధిగమించి విమానాన్ని సేఫ్ గా ల్యాండ్ చేయడం అంత చిన్న విషయం కాదు. థాయ్ ఎయిర్ పోర్ట్ నుంచి టేకాఫ్ అయిన మలేషియా విమానంలో కో పైలట్ గాల్లోనే కుప్పకూలిపోయారు. అంతే.. అందులో వున్న కో-పైలట్ తోపాటు ప్రయాణికులందరూ ప్రాణాలను తమ అరచేతిలో పట్టుకుని కూర్చున్నారు. ఇక చనిపోతామనే భయంతో కొంతమంది ప్రార్థనలు చేయడం కూడా మొదలుపెట్టేశారు.

అయితే ఇంతటి డేంజర్ సిట్యువేషన్ లో కూడా కో-పైలట్ ఏమాత్రం భయపడకుండా విమానాన్ని సేఫ్ గా ల్యాండ్ చేశాడు. ఫ్లైట్ లో కో - పైలట్ చనిపోయాడన్న విషయం తెలియగానే అధికారులు విమానాన్ని థాయ్ ఎయిర్ పోర్ట్ కు వెనక్కి రప్పించి.. అత్యవసరంగా ల్యాండ్ చేయించారు. అతన్ని హుటాహుటిన ఆసుపత్రికి తరలించినప్పటికీ.. అప్పటికే కో-పైలట్ మృతి చెందినట్లు వైద్యులు ప్రకటించారు. ఏదేమైనా అందులో వున్న 152 మంది ప్రయాణికుల ప్రాణాలు మాత్రం సేఫ్ గానే వున్నాయి.

AS