భారతీయ సెక్స్ వర్కర్లను భయపెట్టిస్తున్న ‘‘ఎబోలా’’!

Posted: 08/18/2014 11:14 AM IST

యావత్తు ప్రపంచాన్నే గజగజ వణికిస్తున్న ఎబోలా భయం.. ఇప్పుడు రానురాను మన భారతదేశంలో కూడా పాకుతోందని తాజా సమాచారాలు వెల్లువడుతున్నాయి. మొన్నటికి మొన్న చెన్నైలో ఒక వ్యక్తికి ఈ వైరస్ వచ్చిందని వార్తలు రాగా.. అవి కేవలం పుకార్లేనంటూ చివరికి క్లారిఫికేషన్ వచ్చేసింది. అయితే నిన్న ముంబయిలో ఒక వ్యక్తి ఈ వ్యాధికి గురయ్యాడనే వార్తలు మాత్రం పెద్ద సంచలనాన్నే రేపింది. ఆ విషయంలో ఇంతవరకు క్లారిటీ రాలేదు కానీ.. భారతదేశంలో వున్న సెక్స్ వర్కర్లు మాత్రం ఈ వైరస్ భయానికి వణికిపోతున్నారు. ముఖ్యంగా కోల్ కతాలో వున్న అతిపెద్ద రెడ్ లైట్ ఏరియా సోనాగచికి ఈ ఎబోలా భయం బాగా పట్టుకుందని తెలుస్తోంది. ఎందుకంటే.. ఈ వైరస్ బాగా వ్యాపించిన ఆఫ్రికా నుంచి రెగ్యులర్ విజిటర్స్ ఆ ప్రాంతానికి నిత్యం వస్తూ వుంటారట! అందుకే.. ఇప్పుడు అక్కడ నుంచి వస్తున్న విజిటర్స్ లో ఈ వ్యాధికి గురయ్యారేమోనంటూ ఆందోళన చెందుతున్నారట! దీంతో ఆఫ్రికన్స్ ను అక్కడున్న మహిళలు తమ దగ్గరకు రానివ్వడం లేదని అంతర్గతంగా టాక్ నడుస్తోంది.

ఇదిలావుండగా.. ఆఫ్రికన్ నుంచి వచ్చే ఏ విజిటర్స్ ని అయినా తమ దగ్గరకు రానివ్వకుండా దూరంగా వుంచాలనే.. అలాకాని పక్షంలో తమ జీవితాల్ని స్వయంగా తామే ప్రమాదంలో పడేసుకుంటారంటూ సోనాగచిలో వున్న వేశ్యలు అందరూ కలిసి ఒక తీర్మానాన్ని చేసుకున్నారని వార్తలు వస్తున్నాయి. దీంతో కోల్ కతా, పశ్చిమ బెంగాల్ లో వుండే మొత్తం లక్షాముప్పైవేల మంది వేశ్యలు వున్నట్లు గణాంకాలను పేర్కొన్న మహిళ రక్షణ సమితి వాళ్లమీద ప్రత్యేక శ్రద్ధ తీసుకుని.. ఆఫ్రికట్లను తమ దగ్గరకు రానీయకండి అంటూ చెబుతున్నారు. ఏ విధంగా అయితే వ్యభిచారం వల్ల ఎయిడ్స్ వ్యాపిస్తుందో.. అలాగే ఎబోలా కూడా ప్రబలే అవకాశాలు వుంటాయని వారు సమావేశాలు చేసుకుని మరీ చెప్పుకుంటున్నారు. కాబట్టి దీని నుంచి దూరంగా వుండాలంటే ముఖ్యంగా ఆప్రికన్లను తమ దగ్గరకు రానీయకపోవడమే పరిష్కారమార్గమని ఒక నిర్ణయానికి వచ్చినట్లు తెలుస్తోంది.

AS