దళిత విద్యార్థులకు విదేశీ విద్య - తెలంగాణ వారికే!

Posted: 07/31/2014 11:41 AM IST

Schedule caste students foreign studies funding telangana

నిరుపేద ప్రతిభావంతులైన దళిత, గిరిజన విద్యార్థులకు విదేశాల్లో పేరుగాంచిన విశ్వవిద్యాలయాల్లో ఉన్నతవిద్యను అభ్యసించే అవకాశం కల్పిస్తూ గత ఏడాది ఉమ్మడి రాష్ట్రంలో ప్రభుత్వం నిర్ణయం తీసుకున్న సంగతి తెలిసిందే. దళిత విద్యార్థులకు విదేశీ విద్యావకాశం కల్పించేందుకు తెలంగాణ ప్రభుత్వం నోటిఫికేషన్ జారీ చేసింది. ఇది కేవలం తెంగాణ విద్యార్థులకే వర్తిస్తుందని షెడ్యూల్డ్ కులాల అభివృద్ధి శాఖ డెరెక్టర్ తెలిపారు.

అర్హులైన ఒక్కో విద్యార్థికి కనీసం 10 లక్షల రూపాయల ఆర్థిక సహాయం అందిస్తారు. ప్రభుత్వం అందించే సహాయాన్ని విద్యార్థి ఫీజుల కింద ఉపయోగించుకోవాల్సి ఉంటుంది. ఈ ఏడాది ఆయా దేశాల్లో ఇంజనీరింగ్, మెడిసిన్, ఫార్మసీ, నర్సింగ్ వంటి వృత్తి విద్యాకోర్సుల్లో ప్రవేశాలు కల్పించే సమయం ఆసన్నమైంది. ఈ నేపథ్యంలో తెలంగాణ ప్రభుత్వం విదేశీ విద్యకు అర్హులైన వారిని ఎంపిక చేసే పనిలో పడింది. తొలుత అర్హులైన దళిత విద్యార్థుల నుంచి దరఖాస్తులు కోరుతున్నట్లు షెడ్యూల్డ్ కులాల అభివృద్ధి శాఖ నోటిఫికేషన్ జారీ చేసింది. ఆగస్టు ఐదో తేదీలోగా విద్యార్థులు దరఖాస్తు చేసుకోవాల్సి ఉంటుంది.

ఇవీ అర్హతలు:

తెలంగాణకు చెందిన ఎస్సీ విద్యార్థులై ఉండాలి.
కుటుంబ వార్షికాదాయం రెండు లక్షలకు మించొద్దు.
డిగ్రీలో ఫస్ట్క్లాస్ మార్కులు వచ్చి ఉండాలి.
పీహెచ్డీ చేయాలనుకునే వారికి పీజీలో ఫస్ట్క్లాస్ మార్కులు ఉండాలి.

రిజిసే్ట్రషన్ విధానం: ఆసక్తిగల విద్యార్థులు ఆన్లైన్లో ఠీఠీఠీ.్ఛఞ్చటట.ఛిజజ.జౌఠి.జీుఽ. వెబ్సైట్లో 5లోగా దరఖాస్తు చేసుకోవాలి. అవసరమైన అన్ని ధ్రువపత్రాలను అప్పుడే అప్లోడ్ చేయాలి. అర్హులైన వారిని రాష్ట్రస్థాయి కమిటీ ఎంపిక చేస్తుంది.

విదేశీ విద్యకు సంబంధించిన ఉత్తర్వులు(జీఓ54) ఈపాస్ వెబ్సైట్లో ఉన్నాయి.

మరి 1956 తర్వాత వచ్చిన దళిత బీద విద్యార్ధుల చదువుకు మార్గం ఏంటి ? విదేశి విద్య సరే మరి తెలంగాణా లో చదువుకొనేది ఎలా?