ఇరు రాష్ట్రాలలో కాలేజ్ ల బంద్ కు పిలుపు

Posted: 07/31/2014 10:18 AM IST

ఆంధ్రప్రదేశ్, తెలంగాణా రెండు రాష్ట్రాలలో గురువారం ఇంజినీరింగ్ కాలేజ్ ల బంద్ కు బిసి సంఘాల తరఫున ఆర్ కృష్ణయ్య పిలుపునిచ్చారు.  

బంద్ కి కారణం ఫీజ్ రియంబర్స్ మెంట్ లో రాష్ట్ర ప్రభుత్వాలు చేస్తున్నజాప్యం.  ఫీజ్ రియంబర్స్ మెంట్ ప్రధానంగా బలహీన వర్గాలకు ఉపయోగపడతాయి.  దాన్ని ఏవేవో కారణాలు చెప్పి నిలిపివేస్తున్నందువలన, బిసిలకు అన్యాయం జరుగుతున్నదంటూ ఆర్ కృష్ణయ్య ఆరోపించారు.

బిసిలకు అన్యాయం జరుగుతుంటే ఉపేక్షించబోమని, పెద్ద ఎత్తున ఉద్యమిస్తామని కృష్ణయ్య హెచ్చిరించారు.  ఇకనైనా ఎటువంటి షరతులూ లేకుండా బోధనా రుసుములను చెల్లించాలని ఆయన కోరారు.  

-శ్రీజ