బలవంతం చేస్తున్న ఫేస్ బుక్ !

Posted: 07/30/2014 09:29 AM IST

ఫేస్ బుక్ గురించి పెద్దగా చెప్పాల్సిన పని లేదు. ఎందుకు కంటే.. ఈరోజుల్లో ఫేస్ బుక్ తెలియని వారు ఎవరు ఉండారు. అయితే ఇప్పుడు ఫేస్ బుక్ బలవంతం చేస్తుందని కొంతమంది బుక్ అభిమానులు అంటున్నారు. త్వరలోనే మీరు తప్పనిసరిగా బలవంతంగా అయినా సరే మెసెంజర్ ను డౌన్ లోడ్ చేసుకోవాల్సిందే. యూరప్ లో ఉన్న యూజర్లు ఇప్పటికే ఈ మెసెంజర్ ఉపయోగిస్తున్నారని, త్వరలోనే ప్రపంచవ్యాప్తంగా దీన్ని తప్పనిసరి చేస్తున్నారని టెక్ క్రంచ్ లో వచ్చిన ఓ కథనం తెలిపింది.

ఇన్నాళ్లబట్టి ఫేస్ బుక్ యాప్ లో ఉన్న మెసేజెస్ ట్యాబ్ నుంచే చాటింగ్ చేసుకునే అవకాశం ఉంటోంది. ప్రత్యేకంగా ఫేస్ బుక్ మెసెంజర్ ఉపయోగించాల్సిన అవసరం ఉండేది కాదు. కానీ కొత్త నిబంధన ప్రకారం బలవంతంగానైనా మెసెంజర్ ను డౌన్ లోడ్ చేయిస్తున్నారు. దీంతో స్మార్ట్ ఫోన్లలో ఉండే మెమరీ మరింత తగ్గిపోనుంది. ఫేస్ బుక్ లో చాటింగ్ ఇటీవలి కాలంలో అందరికీ బాగా అలవాటైపోయింది. కేవలం స్మార్ట్ ఫోన్లలోనే కాక, డెస్క్ టాప్, ల్యాప్ టాప్, చివరకు విండోస్ ఫోన్లో ఫేస్ బుక్ ను వాడుతున్నా సరే..ఈ మెసెంజర్ వాడకం తప్పనిసరని.. పేస్ బుక్ చెబుతుంది.

ఈ విషయాన్ని ఫేస్ బుక్ తన అధికారిక ప్రకటన ద్వారా అందరికీ చెప్పింది. ''రాబోయే కొన్ని రోజుల్లో, ఫేస్ బుక్ నుంచి మెసేజిలు పంపాలన్నా, అందుకోవాలన్నా తప్పనిసరిగా మెసెంజర్ యాప్ డౌన్ లోడ్ చేసుకోవాల్సిందేనని మేం మరింతమందికి త్వరలోనే నోటిఫై చేయబోతున్నాం'' అని ఫేస్ బుక్ నుంచి వెలువడిన అధికారిక ప్రకటన తెలిపింది.

RS